ବାଲେଶ୍ବର: କରୋନା ମୁକାବିଲା ପାଇଁ ଆଜି ବାଲେଶ୍ବର ଜିଲ୍ଲାରେ କୋଭିଡ୍-୧୯ ହସ୍ପିଟାଲ୍ କାର୍ଯ୍ୟକ୍ଷମ ହୋଇଛି। କୁରୁଡ଼ାସ୍ଥିତ ଜ୍ୟୋତି ହସ୍ପିଟାଲକୁ କୋଭିଡ୍-୧୯ ହସ୍ପିଟାଲରେ ପରିଣତ କରାଯାଇଛି। ଜ୍ୟୋତି ହସ୍ପିଟାଲ୍ ଦ୍ବାରା ପରିଚାଳିତ ଏହି କୋଭିଡ୍-୧୯ ହସ୍ପିଟାଲକୁ ଓଡ଼ିଶା ଜଳବିଦ୍ୟୁତ୍ ନିଗମ ଅନୁଦାନ ଦେଇଛି । ଏହି ହସ୍ପିଟାଲରେ ୧୦୦ଟି ବେଡ୍ ସହ ୨୦ଟି ଭେଣ୍ଟିଲେଟର ଥିବା ଆଇସିୟୁ ରହିଛି। ଏହାଛଡ଼ା ୮ଟି ଏଚଡିୟୁ ବେଡ୍ ରହିଥିବା ଜଣାଯାଇଛି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଜିଲ୍ଲାରେ କୋଭିଡ୍-୧୯ ହସ୍ପିଟାଲ ପାଇଁ ପ୍ରଥମ ପର୍ଯ୍ୟାୟରେ ବାମପଦାସ୍ଥିତ ନୋସି ବିଜନେସ ପାର୍କ ଓ ଜ୍ୟୋତି ହସ୍ପିଟାଲକୁ ବଛାଯାଇଥିଲା। ଇତିମଧ୍ୟରେ ନୋସିକୁ ଆମ୍ରି ହସ୍ପିଟାଲର ଏକ ଟିମ୍ ବୁଲି ଯାଇଛନ୍ତି। ହେଲେ ନୋସିରେ କୋଭିଡ୍-୧୯ ହସ୍ପିଟାଲ ପାଇଁ ଆବଶ୍ୟକ ସୁବିଧା ଉପଲବ୍ଧ ନଥିବାରୁ ଏହାକୁ ପରବର୍ତ୍ତୀ ପର୍ଯ୍ୟାୟରେ ବିଚାରକୁ ନିଆଯିବ ବୋଲି କୁହାଯାଇଛି। ତେବେ ରାଜ୍ୟ ସରକାରଙ୍କ ଠାରୁ ଅନୁମତି ମିଳିବା ପରେ ଜିଲ୍ଲା ପ୍ରଶାସନ ଓ ଜ୍ୟୋତି ହସ୍ପିଟାଲ ମଧ୍ୟରେ ବୁଝାମଣା ପତ୍ର ସ୍ବାକ୍ଷର ହୋଇଥିଲା।