ଲାଂଜିଗଡ଼: ଲାଂଜିଗଡ଼ ବିଧାୟକ ବଳଭଦ୍ର ମାଝୀ ଟିକେଟ କଟିବା ନେଇ ପ୍ରତିକ୍ରିୟା ରଖିଛନ୍ତି । ତାଙ୍କ ଟିକେଟ କଟିବାରେ ଆଧାର କଣ ସେ ଜାଣିନାହାନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦଳର ସଂଗଠନ ପାଇଁ କାମ କରିବାକୁ କହିଲେ । ସେଥିପାଇଁ ସେ ଦଳରେ ଅଛନ୍ତି ଓ ରହିବେ ବୋଲି କହିଛନ୍ତି । ଦଳକୁ ସୁଦୃଢ କରିବା ପାଇଁ ପ୍ରଦୀପ ଦିଶାରୀଙ୍କୁ ଦଳରେ ମିଶାଇଥିଲି । ଅନ୍ୟମାନଙ୍କ ଭଳି ସେ ଦଳ ଛାଡିକି ଯିବେନି । ଦଳୀୟ ପ୍ରାର୍ଥୀ ପ୍ରଦୀପ ଦିଶାରୀଙ୍କ ଲାଗି ପ୍ରଚାର କରିବି କି ନାହିଁ ନିଷ୍ପତି ନେଇନଥିବା କହିଛନ୍ତି ବଳଭଦ୍ର ମାଝୀ ।
Sambad is now on WhatsApp
Join and get latest news updates delivered to you via WhatsApp
ସେ ଆହୁରି ମଧ୍ୟ କହିଛନ୍ତି ଯେ, ମୁଖ୍ୟମନ୍ତ୍ରୀ ଯେଉଁ ନିଷ୍ପତ୍ତି ନେଇଛନ୍ତି ତାହାକୁ ମୁଁ ସ୍ୱାଗତ କରିବି ।ନିଶ୍ଚିତ କୌଣସି ଜାଗାରେ ମୋର ତ୍ରୁଟି ରହିଯାଇଛି । ତେଣୁ ମୋର ଟିକେଟ କଟିଛି । ଆଉ ଯେଉଁ ଜିତିବା କଥା ନେଇ ପ୍ରଶ୍ନ ଉଠୁଛି ତାହା ସଠିକ ନୁହେଁ । କାରଣ ମୁଁ ଲଗାତାର ଭାବରେ ୧୯୯୦ ମସିହାରୁ ବିଧାୟକ ହୋଇଆସୁଛି । ହେଲେ ମୋର ଦଳର ସଭାପତିଙ୍କ ଉପରେ ସମ୍ପୂର୍ଣ୍ଣ ବିଶ୍ୱାସ ରହିଛି । ଦଳ ପାଇଁ ମତେ ଯେଉଁ କାମ ଦିଆଯିବ ତାହା କରିବି । ଅନ୍ୟ କୌଣସି ଦଳକୁ ଯିବାର ନାହିଁ । ୫ ଥର ବିଧାୟକ ହୋଇଛି । ଟିକେଟ କଟିବା ପରେ ମୋର କର୍ମୀମାନେ ଅସନ୍ତୋଷ ହୋଇଛନ୍ତି । ହେଲେ ସେମାନଙ୍କୁ ମୁଁ ବୁଝାଇଛି ଯେପରି ଆଗାମୀ ଦିନରେ ପୁଣି ଥରେ ନବୀନ ପଟ୍ଟନାୟକ ମୁଖ୍ୟମନ୍ତ୍ରୀ ହେବେ, ସେନେଇ ମୁଁ କାମ କରିବି ବୋଲି ବଳଭଦ୍ର କହିଛନ୍ତି ।