ମହାପ୍ରଭୁଙ୍କ ବନକଲାଗି

ପୁରୀ : ଶ୍ରୀମନ୍ଦିରରେ ଆଜି ମହାପ୍ରଭୁଙ୍କ ବନକଲାଗି ନୀତି ଅନୁଷ୍ଠିତ ହୋଇଯାଇଛି। ଦତ୍ତ ସେବକମାନେ ଆଜି ଏହି ନୀତି ସଂପନ୍ନ କରିବା ସହ ମହାପ୍ରଭୁଙ୍କ ଶ୍ରୀମୁଖ ଶୃଙ୍ଖାର କରିଛନ୍ତି। ଏଥିପାଇଁ ଆଜି ପ୍ରାୟ ସାଢ଼େ ୪ଟା ଘଣ୍ଟା ସାଧାରଣ ଦର୍ଶନ ବନ୍ଦ ରହିଥିଲା।

ବୁଧବାର ଦ୍ବିତୀୟ ଭୋଗମଣ୍ଡପ ପରେ ଅପରାହ୍ନପ୍ରାୟ ୩ଟା୫୫ରେ ବନକଲାଗି ନୀତି ପାଇଁ ଦତ୍ତ ସେବକମାନେ ଶ୍ରୀମନ୍ଦିରକୁ ପ୍ରବେଶ କରିଥିଲେ। ଏହା ପରଠାରୁ ଦର୍ଶନ ବନ୍ଦ ରହିଥିଲା। ରାତି ୮ଟା୧୫ରେ ରତ୍ନ ସିଂହାସନ ଧୁଆ ନୀତି ଆରମ୍ଭ ହୋଇଥିବା ବେଳେ ରାତି ପ୍ରାୟ ସାଢ଼େ ୮ଟା ସୁଦ୍ଧା ମହାସ୍ନାନ ନୀତି ଶେଷ ହୋଇଥିଲା ଏବଂ ରାତି ୮ଟା ୩୫ରେ ଦର୍ଶନ ଆରମ୍ଭ ହୋଇଥିଲା।