ବାରବାଟୀ ମ୍ୟାଚ୍ ପାଇଁ ଟିକେଟ୍ କାଉଣ୍ଟରରେ ପ୍ରବଳ ଭିଡ଼
କଟକ: ଭାରତ-ୱେଷ୍ଟଇଣ୍ଡିଜ୍ ଦିନିକିଆ ପାଇଁ ବାରବାଟୀ ଷ୍ଟାଡିୟମର ୧୨ଟି କାଉଣ୍ଟରରେ ଟିକେଟ୍ ବିକ୍ରି ଚାଲିଛି। ଟିକେଟ କିଣିବାକୁ ଆଜି ସେଠାରେ ପ୍ରବଳ ଭିଡ଼ ପରିଲକ୍ଷିତ ହେଉଛି। କ୍ରିକେଟ ପ୍ରେମୀମାନେ ନିଜ ନିଜର ପରିଚୟ ପତ୍ର ଦେଖାଇ କାଉଣ୍ଟରରୁ ଟିକେଟ୍ କିଣୁଛନ୍ତି । ଜଣେ ବ୍ୟକ୍ତି ସର୍ବାଧିକ ୨ଟି ଟିକଟ କିଣିପାରିବେ । ଏଥର ବାରବାଟୀରେ ୧୨ଟି କାଉଣ୍ଟରରେ ପ୍ରାୟ ୧୦ ହଜାର ୩୯ ଟି ଟିକଟ ବିକ୍ରି କରାଯିବ। ଅସମ୍ଭବ ଭିଡ଼ ଥିବାରୁ ଟିକେଟ୍ କାଉଣ୍ଟରରେ ବ୍ୟାରିକେଡର ବ୍ୟବସ୍ଥା କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ବହୁଦିନର ବ୍ୟବଧାନ ପରେ କଟକରେ ମ୍ୟାଚ୍ ହେଉଥିବାରୁ ଖେଳପ୍ରେମୀଙ୍କ ଟିକଟ ଚାହିଦା ଅଧିକ ରହିଛି। ଏହାକୁ ଦୃଷ୍ଟିରେ ରଖି ଓସିଏ ପକ୍ଷରୁ ପ୍ରଥମେ ଅନ୍ଲାଇନ୍ ମାଧ୍ୟମରେ ଓ ପରେ ଅନୁବନ୍ଧିତ ଜିଲ୍ଲା, ସ୍କୁଲ୍, କଲେଜ, କ୍ଲବ୍ମାନଙ୍କୁ ଟିକଟ ବିକ୍ରି କରାଯାଇଛି । ସାଧାରଣ ଲୋକମାନଙ୍କ ପାଇଁ ୧୯ ଓ ୨୦ ତାରିଖ ଦୁଇ ଦିନ ଧାର୍ଯ୍ୟ କରାଯାଇଛି। ମାତ୍ର କାଉଣ୍ଟର ସ˚ଖ୍ୟା ବୃଦ୍ଧି କରାଯାଇଥିବାରୁ ଆଜି ହିଁ ଟିକଟ ଶେଷ ହୋଇଯିବ ବୋଲି କୁହାଯାଉଛି।
ସେହିପରି ଭିଡ଼କୁ ନିୟନ୍ତ୍ରଣ କରିବା ପାଇଁ ବ୍ୟାପକ ପୁଲିସ ଫୋର୍ସ ମୁତୟନ କରାଯାଇଛି । ବିଶାଖାପାଟଣା ଦିନିକିଆରେ ଟିମ ଇଣ୍ଡିଆର ଦମଦାର ବିଜୟ ପରେ ବାରବାଟୀ ଦିନିକିଆ ମ୍ୟାଚର ଗୁରୁତ୍ୱ ବଢିଯାଇଛି । ଆସନ୍ତା ୨୨ ତାରିଖରେ କଟକର ବାରବାଟୀ ଷ୍ଟାଡିଅମରେ ଭାରତ ଓ ୱେଷ୍ଟଇଣ୍ଡିଜ ମଧ୍ୟରେ ତୃତୀୟ ତଥା ସିରିଜର ନିର୍ଣ୍ଣାୟକ ଦିନିକିଆ ଖେଳାଯିବ । ସିରିଜ ଏବେ ୧-୧ ସ୍ତରରେ ରହିଛି । ଯେଉଁ ଦଳ ଏଠାରେ ମ୍ୟାଚ୍ ଜିତିବ ,ସେହି ଦଳ ସିରିଜ କବଜା କରିବ । ସେଥିପାଇଁ ବାରବାଟୀ ମ୍ୟାଚ୍ ଅଧିକ ରୋମାଞ୍ଚକର ହେବ ବୋଲି ଆଶା କରାଯାଉଛି।