ପ୍ରଚାରବେଳେ କେନ୍ଦ୍ରମନ୍ତ୍ରୀ ବିଶ୍ବେଶ୍ୱରଙ୍କ ତେର୍ଛା ବାଣ: ‘ମତେ ଗିରଫ କଲେ ସବୁ ଜିଲ୍ଲା ପରିଷଦ ଆସନ ପୋଛିନେବୁ’
ବାରିପଦା : ସରକାରୀ ଅଧିକାରୀଙ୍କୁ ମାଡ଼ ମାରିବା ଅଭିଯୋଗରେ ପୁଲିସ ଯଦି ତାଙ୍କୁ ଗିରଫ କରିବ ତେବେ ବିଜେପିକୁ ଆଉ ପ୍ରଚାର କରିବାକୁ ପଡ଼ିବନି। ଶହେରୁ ଶହେ ଲୋକ ଆମକୁ ସମର୍ଥନ କରିବେ ଏବଂ ବିନା ପରିଶ୍ରମରେ ଆମେ ଜିଲ୍ଲାର ୫୬ରୁ ୫୬ ଜିଲ୍ଲା ପରିଷଦ ଆସନକୁ ପୋଛିନେବୁ। ବିଭିନ୍ନ ସମୟରେ ନିଜର ବୟାନକୁ ନେଇ ଚର୍ଚ୍ଚାରେ ରହୁଥିବା ଶ୍ରୀ ଟୁଡୁ ଆଜି ଏହିଭଳି ମନ୍ତବ୍ୟ ଦେଇଛନ୍ତି। ଯାହାକୁ ନେଇ ରାଜନୈତିକ ମହଲରେ ପୁଣି ଚର୍ଚ୍ଚା ଦେଖିବାକୁ ମିଳିଛି।
Sambad is now on WhatsApp
Join and get latest news updates delivered to you via WhatsApp
କେନ୍ଦ୍ରମନ୍ତ୍ରୀ ଶ୍ରୀ ଟୁଡ଼ୁ ଆଜି ମୟୂରଭଞ୍ଜ ୨୯ ନମ୍ବର ଜିଲ୍ଲା ପରିଷଦ ଜୋନ୍ ଖଡ଼ିଷୋଳ ପଞ୍ଚାୟତରେ ନିର୍ବାଚନ ପ୍ରଚାର କରିଥିଲେ। ଏହି ପ୍ରଚାରବେଳେ ଉପରୋକ୍ତ କଥା କହି ଶାସକଦଳକୁ ତେର୍ଛା ବାଣ ମାରିଥିଲେ।
ସୂଚନାଯୋଗ୍ୟ, ଦିଲ୍ଲୀରୁ ଫେରିବା ପରେ ଶ୍ରୀ ଟୁଡୁ ଗଲା ଦୁଇ ଦିନ ଧରି ଦଳୀୟ ଜିଲ୍ଲା ପରିଷଦ ପ୍ରାର୍ଥୀଙ୍କ ନିମନ୍ତେ ନିର୍ବାଚନ ପ୍ରଚାର କରୁଛନ୍ତି। ଗତକାଲି ବାରିପଦା, ଶୁଳିଆପଦା, ମୋରଡ଼ା ବ୍ଲକ୍ରେ ମାରାଥନ୍ ପ୍ରଚାର କରିଥିବା ବେଳେ ଆଜି ବାରିପଦା ନିର୍ବାଚନମଣ୍ଡଳୀ ଅନ୍ତର୍ଗତ ଗ୍ରାମାଞ୍ଚଳରେ ପ୍ରଚାର କରିଛନ୍ତି।