ଭାଲୁ ଆକ୍ରମଣରେ ଛାତ୍ର ଗୁରୁତର
ରେଢ଼ାଖୋଲ: ସମ୍ବଲପୁର ଜିଲ୍ଲା ରେଢ଼ାଖୋଲ ବନଖଣ୍ତ ଚାରମାଳ ରେଞ୍ଜ୍ ଅର୍ନ୍ତଗତ ବଂଶାଜାଲ ପଞ୍ଚାୟତର ମୂଷାକଟା ଗ୍ରାମରେ ମଙ୍ଗଳବାର ଭାଲୁ ଆକ୍ରମଣରେ ରେଢ଼ାଖୋଲ ଭୀମଭୋଇ କଲେଜରେ +୨ ପ୍ରଥମ ବର୍ଷ ଛାତ୍ର ବିବେକାନନ୍ଦ ସେଠୀ (୧୭) ଗୁରୁତର ଭାବେ ଆହତ ହୋଇଛନ୍ତି। ଆଜି ଛାତ୍ର ଜଣକ ସକାଳୁ ନିଜ ଘର ପାଖରେ ଥିବା ନାଳ ନିକଟରେ ବୁଲାବୁଲି କରୁଥିଲେ।
Sambad is now on WhatsApp
Join and get latest news updates delivered to you via WhatsApp
ଏହି ସମୟରେ ହଠାତ୍ ଏକ ଭାଲୁ ଆସି ତାଙ୍କୁ ଆକ୍ରମଣ କରିଥିଲା। ଚିତ୍କାର ଶୁଣି ପରିବାର ଲୋକେ ତାଙ୍କୁ ଉଦ୍ଧାର କରି ପ୍ରଥମେ ରେମାଖୋଲ ଉପଖଣ୍ଡ ଡାକ୍ତରଖାନାକୁ ନେଇଥିଲେ। ମାତ୍ର ଅବସ୍ଥା ସଂକଟାପନ୍ନ ଥିବାରୁ ବୁର୍ଲା ସ୍ଥାନାନ୍ତର କରାଯାଇଛି। ବିବେକାନନ୍ଦ ଅତ୍ୟନ୍ତ ଗରିବ ଘରର ହୋଇଥିବାରୁ ବନ ବିଭାଗ ପକ୍ଷରୁ ତାଙ୍କୁ ଚିକିତ୍ସା ସହାୟତା ଯୋଗାଇ ଦେବାକୁ ଗ୍ରାମବାସୀ ଦାବି କରିଛନ୍ତି। ଭାଲୁ ଆକ୍ରମଣରେ ବିବେକଙ୍କ ମୁହଁ, ହାତ ଓ ଗୋଡ଼ରେ ଗଭୀର କ୍ଷତ ସୃଷ୍ଟି ହୋଇଛି।