ହରଭଙ୍ଗା: ପୁରୁଣା କଟକ ପୁଲିସ ଓ ବୌଦ୍ଧ ଏମଭିଆଇ ରବିବାର ବିଳମ୍ବିତ ରାତିରେ ମିଳିତ ଯାଞ୍ଚ କରୁଥିବା ବେଳେ ପୁରୁଣାକଟକରୁ ଫୁଲବାଣୀକୁ ବିଅର୍ ଚାଲାଣ ହେଉଥିବା ଏକ ଅଟୋକୁ ଜବତ କରିଥିଲେ। ଏଥିରେ ସଂପୃକ୍ତ ୨ ଜଣଙ୍କୁ ଗିରଫ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଅଭିଯୁକ୍ତ ଦ୍ବୟ ହେଲେ କନ୍ଧମାଳ ଜିଲ୍ଲା ଫୁଲବାଣୀ ସଦର ଥାନା ଅନ୍ତର୍ଗତ ଦୁଗୁଡ଼ାର ଅମରେନ୍ଦ୍ର ମଲ୍ଲିକ (୨୦) ଓ ସୁମନ୍ତ ପାତ୍ର (୨୫)। ଉଭୟ ବିଳମ୍ବିତ ରାତିରେ ପୁରୁଣାକଟକରୁ ଏକ ଅଟୋ (ଓଡି ୧୨ବି-୮୪୩୦) ଯୋଗେ ୫ ପେଟି (୬୦ଟି) ବିଅର୍ ନେଇ ଯାଉଥିବା ବେଳେ ଚାରିଛକ ବଜାରରେ ଗାଡି ମୋଟର ଯାଞ୍ଚ କରୁଥିବା ପୁଲିସ ଓ ଏମ୍ଭିଆଇ ଟିମ୍ ହାବୁଡ଼ରେ ପଡ଼ିଥିଲେ। ଗିରଫ ପରେ ଅଭିଯୁକ୍ତ ଦ୍ବୟଙ୍କୁ କୋର୍ଟ ଚାଲାଣ କରାଯାଇଥିବା ବେଳେ ଜାମିନ ନାମଞ୍ଜୁର ହେବାରୁ ସେମାନଙ୍କୁ ଜେଲ ହାଜତକୁ ପଠାଇ ଦିଆଯାଇଥିବା ଜଣାପଡ଼ିଛି।