ଭଦ୍ରକ, ଜଗତସିଂହପୁର ଓ ଜୟପୁରରେ ଜନତା କର୍ଫ୍ୟୁକୁ ସ୍ବତଃ ସମର୍ଥନ, ସବୁଠି ଖାଁ ଖାଁ ସ୍ଥିତି
ଭୁବନେଶ୍ବର: କରୋନାର ମୁକାବିଲା ଲାଗି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆହ୍ବାନକ୍ରମେ ଆଜି ଦେଶବ୍ୟାପୀ ଜନତା କର୍ଫ୍ୟୁକୁ ଓଡ଼ିଶାର ବିଭିନ୍ନ ସ୍ଥାନରେ ଅଭୂତପୂର୍ବ ସମର୍ଥନ ମିଳୁଥିବାର ଦେଖିବାକୁ ମିଳୁଛି।
Sambad is now on WhatsApp
Join and get latest news updates delivered to you via WhatsApp
ଭଦ୍ରକରେ ଜନତା କର୍ଫ୍ୟୁ ଲାଗି ସବୁ ବନ୍ଦ ରହିଛି । ବସ୍ ଷ୍ଟାଣ୍ଡ , ରାସ୍ତା ଘାଟ ସବୁ ଖାଁ ଖାଁ । ଦୋକାନ ବଜାର ବନ୍ଦ। ସବୁ ଲୋକ ଘରେ । ତେବେ ଜରୁରୀକାଳୀନ ଅଫିସ୍ ଖୋଲା ରହିଛି।
ଠିକ୍ ସେହିପରି ଜଗତସିଂହପୁରରେ ଜନତା କର୍ଫ୍ୟୁକୁ କଡ଼ାକଡ଼ି ପାଳନ କରାଯାଉଛି। ସମସ୍ତ ଦୋକାନ ବଜାର ବନ୍ଦ
କରାଯାଇଛି। ବସ୍ ଚଳାଚଳ ସମ୍ପୂର୍ଣ୍ଣ ବନ୍ଦ ରହିଛି। ଏମିତିକି ଏ ଟି ଏମ୍, ଓମଫେଡ୍ ପାର୍ଲର ବନ୍ଦ ରହିଛି। ଲୋକମାନେ ସ୍ୱତଃ ଜନତା କର୍ଫ୍ୟୁକୁ ସମର୍ଥନ କରିଛନ୍ତି।
ଜନଗହଳିପୂର୍ଣ୍ନ କୋରାପୁଟ ଜିଲ୍ଲାର ଜୟପୁର ସହରର ସବୁ ଅଞ୍ଚଳରେ ବନ୍ଦର ପ୍ରଭାବ ପରିଲକ୍ଷିତ ହୋଇଛି।ସହରର ମେନ୍ ରୋଡ୍ ,ବସ୍ ଷ୍ଟାଣ୍ଡ , ଜାତୀୟ ରାଜପଥ-୨୬ର ଟ୍ରାଫିକ ଛକ ଓ ମହାତ୍ମାଗାନ୍ଧୀ ରୋଡ୍ ସବୁଠି ଶୁନଶାନ୍ ସ୍ଥିତି ରହିଛି।