ରାତିପାହିଲେ ବିଜେପୁର ଉପନିର୍ବାଚନ; ମତଦାନ ପାଇଁ ହୋଇଛି ୨୮୫ଟି ବୁଥ୍‌

ବରଗଡ଼: ବିଜେପୁର ମତଦାନ ପାଇଁ ପ୍ରସ୍ତୁତ ହୋଇସାରିଛି। ବିଜେଡିର ରୀତା ସାହୁ, ବିଜେପିର ସନତ ଗଡ଼ତିଆ ନା’ କଂଗ୍ରେସର ଦିଲ୍ଲୀପ ପଣ୍ଡା କାହାକୁ ଭରସା କରିବେ ଲୋକେ ସେ ନେଇ ଚର୍ଚ୍ଚା ଜୋରସୋର ଚାଲିଛି।

ଏହି ଆସନ ବିଜେଡି ପାଇଁ ସମ୍ମାନର ପ୍ରଶ୍ନ ହୋଇଥିବା ବେଳେ ଏହାକୁ କବଜା କରିବା ପାଇଁ ବିଜେପି ଓ କଂଗ୍ରେସ ଲାଗିପଡିଛନ୍ତି । ଗୋଟିଏ ପଟେ ନବୀନଙ୍କ ଲୋକପ୍ରିୟତା ଓ ବିଜେଡି ସଂଗଠନ, ଅନ୍ୟପଟେ ରହିଛି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ରଣନୀତି ଏବଂ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ରଣକୌଶଳ । ଆସନ୍ତାକାଲି ୨ ଲକ୍ଷ ୩୨ହଜାର ଭୋଟର ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ।

-ଉପନିର୍ବାଚନ ପାଇଁ ବିଜେପୁରରେ ହୋଇଛି ୨୮୫ଟି ପୁଲିଂ ବୁଥ୍‌
-ଏଥିରୁ ୧୩୫ଟି ବୁଥକୁ ସମ୍ବେଦନଶୀଳ ବୁଥ ଭାବେ ଚିହ୍ନଟ କରାଯାଇଛି
-ଏହି ସମସ୍ତ ସମ୍ବେଦନଶୀଳ ବୁଥରେ ହୋଇଛି ବ୍ୟାପକ ସୁରକ୍ଷା ବ୍ୟବସ୍ଥା
-୭ଟି ବୁଥରେ ୱେବ କାଷ୍ଟିଂ ଏବଂ ୧୪ଟି ବୁଥରେ ସିସିଟିଭି ବ୍ୟବସ୍ଥା
-୧୬ଟି ବୁଥରେ ଭିଡିଓଗ୍ରାଫି ଏବଂ ୭୭ଟି ସ୍ଥାନରେ ମାଇକ୍ରୋ ଅବଜରଭର ନିଯୁକ୍ତ