ବାଇକ୍ ଦୁର୍ଘଟଣାରେ ଜଣେ ମୃତ
ଆନନ୍ଦପୁର : ଆନନ୍ଦପୁର ଥାନା ଫକୀରପୁରଛକରେ ବାଇକ୍ ଦୁର୍ଘଟଣାରେ ଜଣେ ଯୁବକଙ୍କ ମୃତ୍ୟୁ ଘଟିଥିବା ବେଳେ ଅନ୍ୟଜଣେ ଯୁବକ ଗୁରୁତର ହୋଇଛନ୍ତି। ମୃତକ ଜଣଙ୍କ ହେଲେ ତରତରା ଗ୍ରାମର ଆଶିଷ କୁମାର ବେହେରା (୪୦)। ଆଜି ଦିନ ପ୍ରାୟ ଗୋଟାଏ ବେଳେ ଆଶିଷ ବାଇକ୍ରେ ଆସୁଥିବା ବେଳେ ସମ୍ମୁଖରୁ ଅନ୍ୟ ଏକ ବାଇକ୍ରେ ଆସୁଥିବା ମୟୂରଭଞ୍ଜ ଜିଲ୍ଲା ଗହଳଡ଼ିହା ଗ୍ରାମର ତପନ କୁମାର ନାଏକ (୩୪)ଙ୍କ ସହିତ ମୁହାଁମୁହିଁ ଧକ୍କା ହୋଇଥିଲେ।
Sambad is now on WhatsApp
Join and get latest news updates delivered to you via WhatsApp
ସ୍ଥାନୀୟ ଲୋକେ ଉଭୟଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଆନନ୍ଦପୁର ଉପଖଣ୍ଡ ଡାକ୍ତରଖାନାକୁ ପଠାଇଥିଲେ। ସେମାନଙ୍କୁ କଟକ ସ୍ଥାନାନ୍ତର କରାଯାଉଥିବା ବେଳେ ବେଲବାହାଳି ନିକଟରେ ଆଶିଷଙ୍କ ମୃତ୍ୟୁ ଘଟିଥିଲା। ଆନନ୍ଦପୁର ପୁଲିସ ଦୁର୍ଘଟଣାଗ୍ରସ୍ତ ବାଇକ୍ ଦୁଇଟିକୁ ଜବତ କରି ଘଟଣାର ତଦନ୍ତ କରୁଛି।