ନୂଆପଡ଼ା: ନୂଆପଡ଼ା ଜିଲ୍ଲାର ଖରିଆର ପୁଲିସକୁ ଏକ ବଡ଼ ସଫଳତା ମିଳିଛି। ପୁଲିସ ପକ୍ଷରୁ ଏକ ବାଇକ୍ ଚୋରି ରାକେଟର ପର୍ଦ୍ଦାଫାସ୍ କରାଯାଇଛି। ୧୫ ଚୋରି ମୋଟର ସାଇକେଲ ଜବତ କରିବା ସହିତ ଚାରି ଜଣ ଅପରାଧୀଙ୍କୁ ପୁଲିସ ଗିରଫ କରିଛି।

Advertisment

ଖରିଆରରେ ବାଇକ୍ ଚୋରି ବୃଦ୍ଧି ପାଇବା ପରେ ନୂଆପଡା ଏସପି ଜି.ଆର. ରାଘବେନ୍ଦ୍ରଙ୍କ ନିର୍ଦ୍ଦେଶକ୍ରମେ ଏକ ସ୍ୱତନ୍ତ୍ର ଦଳ ତଦନ୍ତ ଆରମ୍ଭ କରିଥିଲେ।

ଜୁନ୍ ୮ ତାରିଖରେ ଖଇରପଦର ଗାଁରେ ଥିବା ଜୟଦେବ ପଣ୍ଡାଙ୍କ ଘରୁ ଏକ ମୋଟରସାଇକେଲ୍ ଚୋରି ହେବା ପରେ ଏହି ଅଭିଯାନ ଆରମ୍ଭ ହୋଇଥିଲା। ସନ୍ଦିଗ୍ଧ ପ୍ରଶାନ୍ତ କୁମାରଙ୍କୁ ପ୍ରାରମ୍ଭିକ ପଚରାଉଚରା ପରେ ବାଇକ୍ ଚୋରି ରାକେଟର ପର୍ଦ୍ଦାଫାସ ହୋଇଥିଲା।

ଗିରଫ ଅଭିଯୁକ୍ତ ପ୍ରଶାନ୍ତ କୁମାର (ଖରିଆର ଏନଏସି, ୱାର୍ଡ ନମ୍ବର-୭), ବିକାଶ ନାଗ (ଲୋହରାପାଲି), ଅଭିନାଶ ନାଗ (ସାଗୁଣ୍ଡଙ୍ଗରୀ) ଏବଂ ପିଣ୍ଟୁ ଝା (ପୁଟୁପଡା) ନାମକ ବ୍ୟକ୍ତିଙ୍କୁ କୋର୍ଟରେ ହାଜର କରାଯାଇଥିଲା।

ଅତିରିକ୍ତ ଏସପି ରଞ୍ଜିତ ନାୟକ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇ କହିଛନ୍ତି ଯେ, ଖରିଆରର ବିଭିନ୍ନ ସ୍ଥାନରୁ ବାଇକ୍ ଗୁଡ଼ିକୁ ଜବତ କରାଯାଇଛି ଏବଂ ଅନ୍ୟାନ୍ୟ ଚୋରି ସହିତ ସମ୍ଭାବ୍ୟ ଲିଙ୍କ୍ ଉନ୍ମୋଚନ ପାଇଁ ତଦନ୍ତ ଜାରି ରହିଛି।

Nuapada | Crime