ବିଙ୍ଗ୍‌ ହ୍ୟୁମାନ୍ ଫାଉଣ୍ଡେସନ ପକ୍ଷରୁ ନିଆରା ଢଙ୍ଗରେ ସହିଦଙ୍କୁ ଶ୍ରଦ୍ଧାଞ୍ଜଳି: ଚାଷୀଙ୍କ ଜମିରେ ଶ୍ରମଦାନ କଲେ କର୍ମକର୍ତ୍ତା

ବଲାଙ୍ଗୀର : କାରଗିଲ ବିଜୟ ଦିବସ ଅବସରରେ ଜୟ ଯବାନ ଜୟ କିଷାନ ନାରାଦେଇ ସହିଦଙ୍କୁ ନିଆରା ଢଙ୍ଗରେ ଶ୍ରଦ୍ଧାଞ୍ଜଳି ଦେଇଛି ବିଙ୍ଗ୍‌ ହ୍ୟୁମାନ ଫାଉଣ୍ଡେସନ। ଚାଷ ଜମିରେ ଚାଷୀଭାଇଙ୍କ ସହ ଶ୍ରମଦାନ କରି ଏହି ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା। ବୀର ଯବାନମାନଙ୍କ ପରି ଦିନରାତି ଖଟି ସାରା ଦେଶକୁ ଖାଦ୍ୟ ଯୋଗାଉଥିବା ଚାଷୀ ସୀମାରେ ସୁରକ୍ଷା ଦେଉଥିବା ସୈନିକମାନଙ୍କଠାରୁ କମ୍‌ ନୁହନ୍ତି। ଏହି ବିଚାର ସହିତ ଲୋଇସିଂହା ବ୍ଲକ ବାଡ଼ିମୁଣ୍ଡା ପଞ୍ଚାୟତ କୁଟୁରାପାଲି ଗାଁର ଜଗଲ ପଟିଆଙ୍କ ଚାଷଜମିରେ ଶ୍ରମଦାନ ପୂର୍ବକ ପହ୍ଲା ରୋପଣ କରାଯାଇଥିଲା।

ଫାଉଣ୍ଡେସନ ଲୋଇସିଂହା ଶାଖାର କର୍ମକର୍ତ୍ତାମାନେ କୁଟୁରାପାଲିଠାରେ ଏହି କାର୍ଯ୍ୟକ୍ରମର ଆୟୋଜନ କରିଥିଲେ। ଫାଉଣ୍ଡେସନର ପ୍ରତିଷ୍ଠାତା ସୋମନାଥ ମିଶ୍ର, କାର୍ଯ୍ୟକାରୀ ସଭାପତି ମୁକେଶ ପଧାନ, ଲୋଇସିଂହା ଶାଖା ସଭାପତି ଅଜୟ ବେହେରା, ସମ୍ପାଦକ ଜଗତପତି ଦାନୀ, ରୋଶନ ମେହେର, କୁଟୁରାପାଲି ଶାଖା ସଂଯୋଜକ ଧୀରୁ ଥାନାପତି, ରାମ ଧାରୁଆ, ପ୍ରକାଶ ଦଣ୍ଡସେନା, ସଦାନନ୍ଦ ବଗର୍ତି, ବାବୁଲାଲ ଦଣ୍ଡସେନା, କଳାକାହ୍ନୁ ବଗର୍ତି, ଉତ୍ତମ ସାହୁ, ଅଚ୍ୟୁତ ପୋଢ଼, ବିଶ୍ୱ ସାହୁ, ରଞ୍ଜନ ନନ୍ଦ, ପପୁ ଦଣ୍ଡସେନା ଆଗଲପୁର ଶାଖାର ସଂଯୋଜକ ସଂଯୋଗ ସାହୁ, ପ୍ରତୀକ ସାହୁ ସମେତ ବହୁ ସଦସ୍ୟ ସହଯୋଗ କରିଥିଲେ।