ଏନ୍ଏସିର କଡ଼ା ଆଭିମୁଖ୍ୟ: ୩ ଦୋକାନରୁ ଲକ୍ଷାଧିକ ଟଙ୍କା ବାକି ଭଡ଼ା ଆଦାୟ, ୨ ଦୋକାନ ସିଲ୍
ବିନିକା: ବିନିକା ଏନ୍ଏସି ଅଧୀନରେ ଥିବା ଷ୍ଟଲ୍ଗୁଡ଼ିକରୁ ବକେୟା ଭଡ଼ା ଆଦାୟ ପାଇଁ କଡ଼ା ଆଭିମୁଖ୍ୟ ଗ୍ରହଣ କରାଯାଇଛି। ଶୁକ୍ରବାର ଜିଲ୍ଲାପାଳ ଅବୋଲି ସୁନୀଲ ନରଭଣେଙ୍କ ନିର୍ଦେଶରେ ବିନିକା ଅତିରିକ୍ତ ତହସିଲଦାର, ଏନ୍ଏସି କର୍ମକର୍ତ୍ତା ଓ ପୁଲିସ୍ ପକ୍ଷରୁ ମିଳିତ ଭାବେ ଚଢ଼ଉ କରାଯାଇଥିଲା। ଅଧିକ ପରିମାଣର ଷ୍ଟଲ ଭଡ଼ା ବାକିଥିବା ୩ଟି ଦୋକାନରୁ ୧ ଲକ୍ଷ ୧ ହଜାର ୨୦୦ ଟଙ୍କା ଆଦାୟ କରାଯାଇଥିଲା। ସେହିପରି ୨ଟି ଦୋକାନକୁ ସିଲ୍ କରାଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ବିନିକା ଏନ୍ଏସି ପକ୍ଷରୁ ଷ୍ଟଲ ନିର୍ମାଣ କରି ଲୋକଙ୍କୁ ଭଡ଼ା ସୂତ୍ରରେ ଦିଆଯାଇଛି। ୫ ଜଣ ଷ୍ଟଲ ମାଲିକଙ୍କୁ ଏନ୍ଏସି ପକ୍ଷରୁ ଭଡ଼ା ଦେବାକୁ ଅନୁରୋଧ କରାଯାଇଥିଲା। ହେଲେ ସେମାନେ ଶୁଣୁ ନଥିଲେ। ଏଥିପାଇଁ ନୋଟିସ ମାଧ୍ୟମରେ ବାରମ୍ବାର ତାଗିଦ କରାଯାଉଥିଲା। ଶୁକ୍ରବାର ଅତିରିକ୍ତ ତହସିଲଦାର ତଥା ମାଜିଷ୍ଟ୍ରେଟ ଚାନ୍ଦିନୀ ମେହେର, ଏନ୍ଏସି ଇଓ ଶ୍ରୀକୁମାର ରଥ, ପୁଲିସ ଓ ଏନ୍ଏସି କର୍ମଚାରୀଙ୍କ ଉପସ୍ଥିତିରେ ଉକ୍ତ ୫ଟି ଷ୍ଟଲର ମାଲିକଙ୍କୁ ଭଡ଼ା ଟଙ୍କା ଦେବାକୁ ଅନୁରୋଧ କରାଯାଇଥିଲା। ୩ ଜଣଙ୍କଠାରୁ ଭଡ଼ା ଟଙ୍କା ଆଦାୟ କରାଯାଇଥିଲା। ୨ଟି ଷ୍ଟଲ ବନ୍ଦଥିବାରୁ ଏନ୍ଏସି ପକ୍ଷରୁ ସିଲ୍ କରାଯାଇଥିଲା ବୋଲି ଇଓ ଶ୍ରୀ ରଥ ପ୍ରକାଶ କରିଛନ୍ତି।