ନବରଂଗପୁର: ଉମରକୋଟ ବ୍ଲକ ରାଇଘର ଜୋନ୍-୨ରେ ବିଜେଡି ପ୍ରାର୍ଥୀ ୨୬୨୩ ଖଣ୍ଡ ଭୋଟ୍‌ ବ୍ୟବଧାନରେ ବିଜୟୀ ହୋଇଛନ୍ତି। ବିଜେଡି ପ୍ରାର୍ଥୀ ନାନାରା ଖରାଙ୍କୁ ୧୧ ହଜାର ୧୩୬ ଖଣ୍ଡ ଭୋଟ୍‌ ମିଳିଛି। ବିଜେପିର ପୂର୍ଣ୍ଣଚନ୍ଦ୍ର ଗଣ୍ଡଙ୍କୁ ୮୫୧୩ ଭୋଟ୍‌ ଓ କଂଗ୍ରେସ ପ୍ରାର୍ଥୀ ସୁଶୀଲ ସାନ୍ତାଙ୍କୁ ୯୫୨ ଖଣ୍ଡ ଭୋଟ୍‌ ମିଳିଛି। ନବରଂଗପୁର ଜିଲ୍ଲାର ଅନ୍ୟ ଜୋନ୍‌ ଗୁଡ଼ିକରେ ଭୋଟ୍‌ ଗଣତି ଜାରି ରହିଛି।

Advertisment

ଉମରକୋଟରେ ୭ମ ରାଉଣ୍ଡ ଶେଷ ସୁଦ୍ଧା ବିଜେଡିକୁ ୯୬୮୧ ଖଣ୍ଡ ଭୋଟ ମିଳିଛି। ସେହିପରି ବିଜେପିକୁ ୮୦୫୧ ଓ କଂଗ୍ରେସକୁ ୧୧୦୩ ଖଣ୍ଡ ଭୋଟ ମିଳିଥିବା ଜଣାଯାଇଛି। ପାପଡାହାଣ୍ଡି ଜୋନ୍-୨ରେ ୮ମ ରାଉଣ୍ଡ ଭୋଟ ଗଣତି ଶେଷ ହୋଇଛି। ଏଠାରେ ବିଜେଡି ପ୍ରାର୍ଥୀ ୭୧୬୮, ବିଜେପି ପ୍ରାର୍ଥୀ ୧୩୯୮ ଓ କଂଗ୍ରେସ ପ୍ରାର୍ଥୀଙ୍କୁ ୧୦ ହଜାର ୫୧୭ ଖଣ୍ଡ ଭୋଯ ମିଳିଛି। କଂଗ୍ରେସ ପ୍ରାର୍ଥୀ ୩୩୪୯ ଖଣ୍ଡ ଭୋଟରେ ଆଗୁଆ ରହିଛି।

ସେହିପରି ଝରିଗାଁ ଜୋନ୍-୨ରେ ୬ଷ୍ଠ ରାଉଣ୍ଡ ଶେଷ ସୁଦ୍ଧା ବିଜେଡିର ଶ୍ୟାମ ସୁନ୍ଦର ନାୟକଙ୍କୁ ୬୭୧୩, ବିଜେପିର ନରସିଂ ଭତ୍ରା ୩୯୩୫, କଂଗ୍ରେସର ଭାଗିରଥି ନାୟକଙ୍କୁ ୨୦୬୦ ଭୋଟ ମିଳିଛି।  ବିଜେଡି ଏଠାରେ ୨୭୭୮ ଖଣ୍ଡ ଭୋଟ୍‌ରେ ଆଗୁଆ ରହିଛି।