ଓଟିଭି ସାମ୍ବାଦିକଙ୍କୁ ପୁଲିସ ଉଠାଇନେବା ଘଟଣାକୁ ନେଇ ଆରମ୍ଭ ହେଲା ଟ୍ୱିଟ୍ ୱାର, ଓଡ଼ିଶାକୁ ପାକିସ୍ତାନ ସହ ତୁଳନା କରିବା ପରେ ବୈଜୟନ୍ତଙ୍କୁ ଘେରିଲେ ବିରୋଧୀ

ଭୁବନେଶ୍ୱର: ଓଟିଭି ସାମ୍ବାଦିକଙ୍କୁ ପୁଲିସ ଉଠାଇନେବା ଘଟଣାକୁ ନେଇ ଟୁଇଟ ଯୁଦ୍ଧ ଦେଖିବାକୁ ମିଳିଛି । ଏହାକୁ ନେଇ ପାକିସ୍ତାନରେ  ଘଟୁଥିବା ଘଟଣା ଭଳି  ଘଟଣା ଓଡ଼ିଶାରେ ଘଟୁଛି ବୋଲି ବିଜେପି ନେତା ବୈଜୟନ୍ତ ପଣ୍ଡା ଟୁଇଟ କରିବା ପରେ ନୂଆ ବିବାଦ ସୃଷ୍ଟି ହୋଇଛି । ଗତକାଲି ବୈଜୟନ୍ତ ଟୁଇଟ କରି କହିଥିଲେ, ସାମ୍ବାଦିକଙ୍କୁ ଉଠାଇନେବା, ଦୁର୍ବ୍ୟବହାର କରିବା ଓ ହେପାଜତକୁ ନେଇ ଜେରା କରିବା ଭଳି ଲଜ୍ଜାକର କାମ କରୁଛନ୍ତି ଓଡ଼ିଶା ପୁଲିସ ଓ ମହାରାଷ୍ଟ୍ର ପୁଲିସ । ତାହା ପୁଣି ଆଇନର ବିନା ପ୍ରକ୍ରିୟାରେ, ଠିକ୍ ପାକିସ୍ତାନ ଭଳି । ବୈଜୟନ୍ତଙ୍କ ଏଭଳି ଟ୍ୱିଟକୁ ନେଇ ବିବାଦ ଆରମ୍ଭ ହୋଇଥିବା ବେଳେ ଟ୍ୱିଟରରେ ତାଙ୍କୁ ଘେରିଛନ୍ତି ବିଜେଡି ନେତା ।

#FreedomOfSpeech
Shameful how Maharashtra & Odisha police simply “pick up” & assault journalists & do custodial interrogation, without following the basic process of law, like in Pakistan. This is real fascism. Please speak up for Ramesh Rath of @otvnews & @pradip103 of @republic

— Baijayant Jay Panda (@PandaJay) October 17, 2020

ବିଜେଡି ସାଂସଦ ସସ୍ମିତ ପାତ୍ର କହିଛନ୍ତି, ବୈଜୟନ୍ତ ପଣ୍ଡାଙ୍କୁ ଓଡ଼ିଶା, ପାକିସ୍ତାନ ଭଳି ମନେ ହେବା ଦୁର୍ଭାଗ୍ୟଜନକ । ଓଡ଼ିଶାକୁ ପାକିସ୍ତାନ ସହ ତୁଳନା କରିବା  ଓଡ଼ିଶା ପ୍ରତି ଓ ଓଡ଼ିଶା ସଂସ୍କୃତିର ଅପମାନ ବୋଲି ଟୁଇଟ କରିଛନ୍ତି ସସ୍ମିତ ପାତ୍ର ।

Quite unfortunate that Shri. Jay Panda @PandaJay feels Odisha has become Pakistan, the same state that sent him to both houses of the Parliament. The same people of Kendrapara who ensured it. The same Tulasi Khetra. This is an insult to every Odia and to the Odia culture as well. https://t.co/8hoIZFk2Ed

— Dr. Sasmit Patra I ଡ଼ଃ ସସ୍ମିତ ପାତ୍ର (@sasmitpatra) October 18, 2020

ସେପଟେ ବିଜେଡି ବିଧାୟକ ପ୍ରଣବ ପ୍ରକାଶ ଦାସ ମଧ୍ୟ ବୈଜୟନ୍ତଙ୍କ ଟୁଇଟକୁ ନେଇ ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି । ଟୁଇଟରରେ ଲେଖିଛନ୍ତି ନିଜ ରାଜ୍ୟକୁ ପାକିସ୍ତାନ ସହ ତୁଳନା କରିବା ଭଳି ଲଜ୍ଜାକର ଘଟଣା ଆଉ କିଛି ନାହିଁ ।

Nothing more shameful than comparing your own state with Pakistan. Colossal disrespect for the Odia culture and the people of Odisha. Hope better sense prevails and this of insult for the people of Kendrapara, the entire state stops here! https://t.co/NpgsYvz6qS

— Pranab Prakash Das (@pranabpdas) October 18, 2020

ବିଜେଡି ସାଂସଦ ଅମର ପଟ୍ଟନାୟକ କହିଛନ୍ତି, ଆମେ ସମସ୍ତେ ଆଇନକାନୁନ ଜାଣିଛେ, ତେଣୁ ବୋକା ବନାନ୍ତୁ ନାହିଁ ।

We all know the law. Freedom of expression comes with restrictions & certainly doesn’t cover fake news,tarnishing image of people & much less a tribal woman MP,in most reprehensible form,a fake sex video!

All know consequences if this happened in Pakistan

Let’s not fool people! https://t.co/5DxSVl9g0D

— Dr. Amar Patnaik (@Amar4Odisha) October 18, 2020

ବିଜେଡି ବିଧାୟକ ଦେବୀ ରଞ୍ଜନ ତ୍ରିପାଠୀ କହିଛନ୍ତି, ନିଜ ରାଜ୍ୟକୁ ପାକିସ୍ତାନ ସହ ତୁଳନା କରିବାଠାରୁ ଅଧିକ ଲଜ୍ଜାଜନକ ଆଉ କିଛି ନୁହେଁ । ଏହା ସହ ବିଜେଡି ବିଧାୟକ ଚନ୍ଦ୍ର ସାରଥୀ ବେହେରା ବୈଜୟନ୍ତଙ୍କ ଟ୍ୱିଟକୁ ନେଇ କଡା ପ୍ରତିକ୍ରିୟା ପ୍ରକାଶ କରିବା ସହ କହିଛନ୍ତି, ଆପଣଙ୍କୁ ଭୋଟ ଦେଇଥିବା ଲୋକଙ୍କୁ ପାକିସ୍ତାନୀଙ୍କ ସହ ତୁଳନା କରିବା ଅତନ୍ତ୍ୟ ନିନ୍ଦନୀୟ । ପ୍ରତିଟି ଓଡ଼ିଆଙ୍କ ପାଇଁ ଏହା ଅପମାନ ।

କଂଗ୍ରେସ ବିଧାୟକ ସୁର ରାଉତରାୟ କହିଛନ୍ତି, ଓଡ଼ିଶାକୁ ପାକିସ୍ତାନ କହିବା ଅତ୍ୟନ୍ତ ନିନ୍ଦନୀୟ । ମହାନ ଭାରତ ଆମର, ମହାନ ଉତ୍କଳ ଆମର । ତାକୁ ପାକିସ୍ତାନ ସହ ତୁଳନା କରିବ? ପାଇକ ପୁଅ ଆମେ, ଓଡ଼ିଶାକୁ କିଏ ଏମିତି କହିଲେ, ବରଦାସ୍ତ କରିବୁନି ।