ଦଳୀୟ କର୍ମୀ ଓ ନେତାଙ୍କୁ ଉତ୍ସାହିତ କରିବେ ବିଜେଡି ସୁପ୍ରିମୋ, ଅକ୍ଟୋବରରୁ କରିବେ ଜିଲ୍ଲା ଗସ୍ତ

ଭୁବନେଶ୍ବର: ସାଧାରଣ ନିର୍ବାଚନ-୨୦୨୪ରେ ଶୋଚାନୀୟ ପରେ ବିଜୁ ଜନତ‌ା ଦଳ (ବିଜେଡି)ରେ ଜନ ଅସନ୍ତୋଷ ତେଜିଛି। ନେତା ଓ କର୍ମୀମାନେ  ଶୃଖଂଳାର ପରିସର ଭିତରେ ରହୁନାହାନ୍ତି। ପ୍ରତେକ ଦିନ ଗଣମାଧ୍ୟମରେ ଖୁଲମ ଖୋଲା ବୟାନ ରଖୁଛନ୍ତି, ଯାହାକି ଦଳକୁ ଅଧିକ ତଳକୁ ଟାଣି ନେଇଯିବାର ଆଶଙ୍କା ଉପୁଜିଛି। ଖାଲି ସେତିକି ନୁହେଁ, ରାଜ୍ୟସଭା ସଦସ୍ୟ ଭାବେ ମମତା ମହାନ୍ତ ଦଳ ଛାଡିବା ପରେ ଦଳପତିଙ୍କର ଚିନ୍ତା ବଢ଼ିଯାଇଛି। ଆଉ କିଏ ମମତାଙ୍କ ପଦାଙ୍କ ଅନୁକରଣ କରିବେନି ତ? କେମିତି ସମସ୍ତଙ୍କୁ ନେଇ ଆଗକୁ ବଢିବେ? ଏଭଳି ସ୍ଥିତିରେ, ନିର୍ବାଚନ ଫଳାଫଳ ପ୍ରକାଶ ପାଇବାର ୩ ମାସ ପରେ ବିଜେଡି ସୁପ୍ରିମୋ ନବୀନ ପଟ୍ଟନାୟକ ମଇଦାନକୁ ଓହ୍ଲାଇେବେ।  ସେ ଆସନ୍ତା ନଭେମ୍ୱର ମାସରୁ ପ୍ରତି ଜିଲ୍ଲାରେ ସମାବେଶ କରି ଦଳୀୟ କର୍ମୀ ଓ ନେତାଙ୍କ ଜୋସ ବଢାଇବେ। ଦଳର ସଂଗଠନ କେମିତି ଆଗକୁ ବଢିବ, ଦଳର ଆଗାମୀ ଆଭିମୁଖ୍ୟ ସଂପର୍କରେ ଅବଗତ କରିବେ ।

ଅନ୍ୟପଟରେ ସାଧାରଣ ନିର୍ବାଚନ ଦେଢ ମାସ ବିତଲାଣି, ହେଲେ ବିଜେଡିର ରାଜ୍ୟ ସ୍ତରୀୟ କମିଟି ଗଠନ ହୋଇପାରି ନାହିଁ। କମିଟିରେ କାହାକୁ ସ୍ଥାନ ମିଳିବ, ବିଭିନ୍ନ ମୋର୍ଚ୍ଚା (ମହିଳା, ଯୁବ, ଛାତ୍ର)ର ନେତୃତ୍ୱ କାହାର କାନ୍ଧରେ ରହିବ। ଏସବୁକୁ ନେଇ ଅନେକ ଦ୍ୱନ୍ଦ୍ବ ରହିଛି । ତେଣୁ ନିଷ୍ପତ୍ତି ନେବାରେ ବିଳମ୍ୱ ହେଉଛି। ଗୁରୁବାର ବସିଥିବା ପ୍ରଥମ ସମନ୍ୱୟ କମିଟି ବୈଠକରେ ମଧ୍ୟ ବିଭିନ୍ନ ପ୍ରସ୍ତାବ ଉପରେ ଆଲୋଚନା କରାଯାଇଛି। ଗଂଜାମକୁ ଦୁଇଟି ସାଂଗଠନିକ ଜିଲ୍ଲା ଗଠନ ପାଇଁ ସୁପ୍ରିମୋଙ୍କ ନିକଟରେ ପ୍ରସ୍ତାବ ରଖିଥିଲେ ଦଳର ବରିଷ୍ଠ ନେତା।

ରାଜନୈତିକ ମହଲରେ ଚର୍ଚ୍ଚା ହୁଏ ୨୦୨୪ ନିର୍ବାଚନ ସମୟରେ ସବୁ ଜିଲ୍ଲା ବୁଲି ପ୍ରଚାର କରିନଥିଲେ ନବୀନ। ବିଜେଡି ସୁପ୍ରିମଙ୍କଠାରୁ ପାଣ୍ଡିଆନ ଅଧିକ ପ୍ରଚାର କରିଥିଲେ । ଏହାକୁ ନେଇ ଭୋଟରଙ୍କ ଭିତରେ ତୀବ୍ର ଅସନ୍ତୋଷ ଦେଖିବାକୁ ମିଳିଥିଲା। ଏଥିପାଇଁ ବିଜେଡି ପରାଜିତ ହେଲା। ତେଣୁ କୋର୍ସ କରେକ୍ସନ କରି ମୈଦାନକୁ ଓହ୍ଲଇବାକୁ ଚାହୁଁଛନ୍ତି ନବୀନ।