ମତଦାନ କେନ୍ଦ୍ର ବାହାରେ ଟଙ୍କା ବାଣ୍ଟୁଥିବା ବେଳେ ବିଜେଡି ମିଡିଆ ସେଲର ପ୍ରଭାରୀଙ୍କୁ ମାଡ଼
ପାଟଣାଗଡ଼: ପୌର ନିର୍ବାଚନ ପାଇଁ ସକାଳ ୮ଟାରେ ମତଦାନ ଆରମ୍ଭ ହୋଇଛି। ପାଟଣାଗଡ଼ ୧ ନମ୍ବର ଓ ୨ ନମ୍ବର ଓ୍ବାର୍ଡ ପାଇଁ ଗଡଭିତର ଉଚ୍ଚ ପ୍ରାଥମିକ ବିଦ୍ୟାଳୟ ରେ ମତଦାନ ଆରମ୍ଭ ହୋଇଥିଲା। ଏହି ୨ଟି ଓ୍ବାର୍ଡ ପାଇଁ ୩ ଗୋଟି ବୁଥ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ତେବେ ମତଦାନ ଚାଲିଥିବା ବେଳେ ବୁଥ ନିକଟରେ ଟଙ୍କା ବଣ୍ଟା ହେଉଥିଲା। ବିଜେଡି କର୍ମକର୍ତ୍ତାମାନେ ଭୋଟରଙ୍କୁ ମତଦାନ କେନ୍ଦ୍ର ବାହାରେ ଟଙ୍କା ବାଣ୍ଟୁଥିବାର ଅଭିଯୋଗ ହୋଇଥିଲା। ଏହାକୁ ନେଇ ବିଜେପି କର୍ମୀ ଓ ବିଜେଡି କର୍ମୀ ମଧ୍ୟରେ ପ୍ରଥମେ ବଚସା ଓ ପରେ ଉତ୍ତମ ମଧ୍ୟମ ଆରମ୍ଭ ହୋଇଥିଲା। ଏହି ମାଡ ସମୟରେ ବିଧାୟକ ଉପସ୍ଥିତ ଥିବା ଜଣାପଡିଛି। ପାଟଣାଗଡ଼ ବିଧାୟକ ସରୋଜ ମେହେରଙ୍କ ପାଖଲୋକ ତଥା ମିଡିଆ ସେଲର ପ୍ରଭାରୀ ପ୍ରଦୀପ ମେହେରଙ୍କୁ ମାଡ଼ ହୋଇଥିବା ଜଣାପଡ଼ିଛି।