ସବୁ ବ୍ଲକରେ ଭ୍ରଷ୍ଟାଚାର ଦିବସ ଭାବେ ପାଳନ କଲା ବିଜେପି

ଭୁବନେଶ୍ବର : ରାଜ୍ୟ ସରକାର ରବିବାର ଦିନ ପଞ୍ଚାୟତିରାଜ ଦିବସ ପାଳନ କରିଥିବାବେଳେ ବିଜେଡି ସବୁ ବ୍ଲକ ଓ ପଞ୍ଚାୟତସ୍ତରରେ ବିଜୁ ଜୟନ୍ତୀ ପାଳନ କରିଛି।

ହେଲେ, ବିଜେପି ରବିବାର ଦିନ ପଞ୍ଚାୟତିରାଜ ଦିବସକୁ ଭ୍ରଷ୍ଟାଚାର ଦିବସ ଭାବେ ପାଳନ କରିଛି। ସବୁ ବ୍ଲକରେ ବିଜେପି କର୍ମୀମାନେ ହାତରେ କଳା ପଟି ପିନ୍ଧି ବିରୋଧ ପ୍ରଦର୍ଶନ କରିଛନ୍ତି। ବିଜେପି ପକ୍ଷରୁ କୁହାଯାଇଛି ଯେ ରାଜ୍ୟ ସରକାର ପଞ୍ଚାୟତିରାଜ ବ୍ୟବସ୍ଥାକୁ ଭ୍ରଷ୍ଟାଚାର ଓ ଦୁର୍ନୀତି ଖଣିରେ ପରିଣତ କରିଦେଇଛନ୍ତି। ପଞ୍ଚାୟତିରାଜ ବ୍ୟବସ୍ଥାକୁ ରାଜ୍ୟ ସରକାର ହତ୍ୟା କରିଛନ୍ତି। ପ୍ରଧାନମନ୍ତ୍ରୀ ଆବାସ ଯୋଜନା, ମନରେଗା, ସିଏଫ୍‌ସି ଟଙ୍କା, ରାସନ କାର୍ଡ ଏବଂ ପିସି ଦୁର୍ନୀତି କାରଣରୁ ପଞ୍ଚାୟତିରାଜ ବ୍ୟବସ୍ଥା ସଂପୂର୍ଣ୍ଣ ଭୁଶୁଡି ପଡ଼ିଛି। ଦୁର୍ନୀତି ଓ ଭ୍ରଷ୍ଟାଚାରକୁ ରୋକିବା ପରିବର୍ତ୍ତେ ଏହାକୁ ବିଜେଡି ସରକାର ଅଧିକ ପ୍ରୋତ୍ସାହିତ କରୁଛନ୍ତି। ତେଣୁ ଆମେ ଆଜି ସବୁ ବ୍ଲକରେ ଭ୍ରଷ୍ଟାଚାର ଦିବସ ପାଳନ କରିଛୁ।