ଐତିହ୍ୟ ଓ କୀର୍ତ୍ତିରାଜିର ସୁରକ୍ଷା ଓ ବିକାଶ ପାଇଁ ଲିଙ୍ଗରାଜ ମନ୍ଦିରରୁ କେଦାରଗୌରୀ ଯାଏ ପଦଯାତ୍ରା କଲେ ସାଂସଦ ଅପରାଜିତା
ଭୁବନେଶ୍ବର: ଅପରାଜିତାଙ୍କ ହେରିଟେଜ୍ ୱାକ୍ । ଐତିହ୍ୟ ଓ କିର୍ତ୍ତୀରାଜିର ସୁରକ୍ଷା ଓ ବିକାଶ ପାଇଁ ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ କରିଛନ୍ତି ପଦଯାତ୍ରା । ଲିଙ୍ଗରାଜ ମନ୍ଦିରରୁ କେଦାରଗୌରୀ ଯାଏ ଏହି ପଦଯାତ୍ରା କରାଯାଉଛି । ୧୯୫୮ ଆମସାର୍ ଆଇନ୍ ଅଧୀନରେ ଏକାମ୍ର କ୍ଷେତ୍ରର ବିକାଶ କାମ ପାଇଁ ଦାବି କରି ଆସୁଛନ୍ତି ଅପରାଜିତା । ପୂର୍ବରୁ ବାଏ-ଲ’କୁ ନେଇ ଭିନ୍ନ ମତ ପୋଷଣ କରିଆସିଛନ୍ତି ଅପରାଜିତା ଷଡ଼ଙ୍ଗୀ, ଯାହାକୁ ନେଇ ବିବାଦ ବି ସୃଷ୍ଟି ହୋଇସାରିଛି ।
Sambad is now on WhatsApp
Join and get latest news updates delivered to you via WhatsApp
ଆମସାର୍ ଆଇନ ଅନୁସାରେ ବିକାଶ ପାଇଁ ଅପରାଜିତା କହୁଥିବା ବେଳେ ବିଜେଡି କିନ୍ତୁ ମନ୍ଦିର ଚତୁଃପାର୍ଶ୍ବରେ ଜବରଦଖଲ ଉଚ୍ଛେଦ ସହ ସୌନ୍ଦର୍ଯ୍ୟକରଣ କାମ କରିଆସୁଛି । ଶୁକସାରୀ ଓ ଅନ୍ୟ ମନ୍ଦିରର ଖନନ ଦ୍ୱାରା କେମିତି ପ୍ରାଚୀନ କିର୍ତ୍ତୀରାଜି ସବୁକୁ ନଷ୍ଟ କରାଯାଉଛି, ସେ ସମ୍ପର୍କରେ ବି ଅପରାଜିତା ପୂର୍ବରୁ ସିରିଜ୍ ଟୁଇଟ୍ କରିସାରିଛନ୍ତି । ଆଉ ଆଜି ପଦଯାତ୍ରା ସହିତ ଏକାମ୍ର କ୍ଷେତ୍ରର ବିକାଶ ପାଇଁ ସେ ଚିନ୍ତିତ ବୋଲି ଏକ ବାର୍ତ୍ତା ଦେଇଛନ୍ତି ।