ଫୁଲବାଣୀ : ଆଉ ୪ ମାସ ପରେ ପ୍ରାୟତଃ ପୌର ନିର୍ବାଚନ ହେବ। ତାପରେ ପରେ ପଞ୍ଚାୟତ ନିର୍ବାଚନ ଅନୁଷ୍ଠିତ ହେବ। ଏଥି ନିମନ୍ତେ କନ୍ଧମାଳରେ ବିଜେପି ସଂଗଠନ ସୁଦୃଢ କରିବା ପାଇଁ ବିଭିନ୍ନ କାର୍ଯ୍ୟକ୍ରମ ଆରମ୍ଭ କରିଛି। ତୃଣମୁଳ ସ୍ତରରୁ ସଂଗଠନକୁ ଅଧିକ ସୁଦୃଢ କରିବା ପାଇଁ ମଣ୍ଡଳସ୍ତରରେ ପ୍ରଶିକ୍ଷଣ ଶିବିର ଆୟୋଜନ କରାଯିବ। ଏଥିରେ ଦଳୀୟ ନେତୃବୃନ୍ଦ ଯୋଗ ଦେଇ କର୍ମୀଙ୍କୁ ପ୍ରଶିକ୍ଷଣ ଦେବେ। ତାପରେ କର୍ମୀମାନେ ଗାଁଗାଁ ବୁଲି କେନ୍ଦ୍ର ସରକାରଙ୍କ ବିଭିନ୍ନ ଜନହିତକାରୀ ଯୋଜନା ସମ୍ପର୍କରେ ବୁଝାଇବେ। କହିବାକୁ ଗଲେ କନ୍ଧମାଳରେ ଆସନ୍ତା ପୌର ଓ ପଞ୍ଚାୟତ ନିର୍ବାଚନରେ ଦଳ ଯେଭଳି ଅଧିକ ସଫଳତା ହାସଲ କରିବ ସେଥି ନିମନ୍ତେ ଦଳୀୟ ନେତା,କାର୍ଯ୍ୟକର୍ତ୍ତାଙ୍କୁ ଗୁରୁମନ୍ତ୍ର ଦେଇଛନ୍ତି ଜିଲ୍ଲା ସଭାପତି ଜଗନ୍ନାଥ ସାହୁ।
Sambad is now on WhatsApp
Join and get latest news updates delivered to you via WhatsApp
ଫୁଲବାଣୀରେ ଆୟୋଜିତ ମଣ୍ଡଳସ୍ତରୀୟ ପ୍ରଶିକ୍ଷଣ ଶିବିର ପ୍ରସ୍ତୁତି ବୈଠକରେ ଶ୍ରୀ ସାହୁ ଅଧ୍ୟକ୍ଷତା କରି ଦଳର ସଂଗଠନ ସୁଦୃଢ ଉପରେ ଗୁରୁତ୍ବ ଦେଇଥିଲେ। ଏଥିରେ ରାଜ୍ୟ କାର୍ଯ୍ୟକାରିଣୀ ସଦସ୍ୟ ଲିଙ୍ଗରାଜ ଦଳବେହେରା,ଭଗବାନ ମହାନ୍ତି,ଦେବନାରାୟଣ ପ୍ରଧାନ,ରମେଶଚନ୍ଦ୍ର ମହାନ୍ତି,ରାମବିଶି ଦିଗାଲ,ଅଜିତ କୁମାର ପଟ୍ଟନାୟକ,ପରେଶ ମହାପାତ୍ର,ସୁଶାନ୍ତ କୁମାର ମହାନ୍ତି,ସନ୍ତୋଷ ପଣ୍ଡା,ଅନନ୍ତ ଦିଗାଲ,ମାନଗୋବିନ୍ଦ ପ୍ରଧାନଙ୍କ ସମେତ ସମସ୍ତ ମଣ୍ଡଳ ସଭାପତି ଏବଂ କାର୍ଯ୍ୟକର୍ତ୍ତା ପ୍ରମୁଖ ଉପସ୍ଥିତ ଥିଲେ। ୨୦୧୪ ଲୋକସଭା ଉପନିର୍ବାଚନରେ ବିଜେପି କନ୍ଧମାଳରେ କଂଗ୍ରେସକୁ ତୃତୀୟ ସ୍ଥାନକୁ ଠେଲି ଦ୍ବିତୀୟ ସ୍ଥାନକୁ ଯାଇଛି। ତାପରେ ପଞ୍ଚାୟତ ନିର୍ବାଚନ ହେଉ ସାଧାରଣ ନିର୍ବାଚନ। ଏସବୁ ନିର୍ବାଚନ ବି ବିଜେପି ଦ୍ବିତୀୟ ସ୍ଥାନରେ ରହି ବିଜେଡିକୁ କଡା ଟକର ଦେଇଛି। ଆଗକୁ ପୌର ଓ ପଞ୍ଚାୟତ ନିର୍ବାଚନ ଆସୁ୍ଥିବାରୁ ଦଳ ଏକ ନମ୍ବରକୁ ଉଠି ଫଳାଫଳ ଭଲ କରିବ ବୋଲି ଆଶା ରଖି ଏବେଠୁ ସଂଗଠନକୁ ସୁଦୃଢ କରିବାରେ ଦଳୀୟ ନେତା ଓ କାର୍ଯ୍ୟକର୍ତ୍ତା ଲାଗି ପଡିଛନ୍ତି।