ସତ୍ୟାନନ୍ଦ ସରସ୍ୱତୀଙ୍କ ଜନ୍ମଶତବାର୍ଷିକୀ ଅବସରରେ ରକ୍ତଦାନ ଶିବିର

ଭୁବନେଶ୍ବର: ମୁଙ୍ଗେରସ୍ଥିତ ‘ବିହାର ଯୋଗ ବିଦ୍ୟାଳୟ’ର ପ୍ରତିଷ୍ଠାତା ପରମହଂସ ସତ୍ୟାନନ୍ଦ ସରସ୍ୱତୀଙ୍କ ଜନ୍ମ ଶତବାର୍ଷିକୀ ଅବସରରେ ସ୍ଥାନୀୟ ଜୟଦେବ ବିହାରସ୍ଥିତ ସତ୍ୟାନନ୍ଦ ଯୋଗ ବିଦ୍ୟାଳୟରେ ଆଜି ଏକ ସ୍ବେଚ୍ଛାକୃତ ରକ୍ତଦାନ ଶିବିର ଆୟୋଜିତ ହୋଇଯାଇଛି। ରେଡକ୍ରସ ଆଞ୍ଚଳିକ ରକ୍ତକେନ୍ଦ୍ର ଓ ସିଆର୍‌ପି ଏଚ୍‌ଡିଏଫ୍‌ସି ବ୍ୟାଙ୍କ ସହ‌ଯୋଗ‌ରେ ଆୟୋଜିତ ଏହି କାର୍ଯ୍ୟକ୍ରମ ଆଜି ସକାଳ ୯ରୁ ଅପରାହ୍ନ ୫ଟା ପର୍ଯ୍ୟନ୍ତ ଚାଲିଥିଲା। ଏଥିରେ ୧୦୮ ୟୁନିଟ୍‌ ରକ୍ତ ସଂଗ୍ରହ କରାଯାଇଥିଲା। ଭୁବନେଶ୍ୱର ବିଧାୟକ(ମଧ୍ୟ) ଅନନ୍ତ ନାରାୟଣ ଜେନା ଯୋଗଦେଇ ସମସ୍ତଙ୍କୁ ଉତ୍ସାହିତ କରିବା ସହ ଏଭଳି ମହତ କାର୍ଯ୍ୟ ଜାରି ରଖିବାକୁ ପରାମର୍ଶ ଦେଇଥିଲେ।

କାର୍ଯ୍ୟକ୍ରମରେ ରେଡ୍‌କ୍ରସ ପକ୍ଷରୁ ଡା. ପ୍ରଦୀପ କୁମାର ମହାରଣା, ସୁମିତ କୁମାର ମହାରଣା, ପ୍ରତାପ ଜେନା, କବିତା ଭୋଳ, ରଚନା ବେହେରା, ଶୁଭଶ୍ରୀ ପଣ୍ଡା, ପତିତପାବନ ନାୟକ, ପ୍ରଭାସ କୁମ‌ାର ସାହୁ, ଏଚ୍‌ଡିଏଫ୍‌ସି ବ୍ୟାଙ୍କର ଡେପୁଟି ମ୍ୟାନେଜର ଦେବଦୁଲାଲ ସାମନ୍ତରା, ବରିଷ୍ଠ ଅଧିକ‌ାରୀ ସନ୍ତୋଷ ଉପାଧ୍ୟାୟ, କନିଷ୍ଠ ଅଧିକାରୀ ମନୋରଞ୍ଜନ ବାରିକ ଯୋଗ ଦେଇଥିଲେ। ପରିଚାଳନା କମିଟି ଅଧ୍ୟକ୍ଷା ସୁଦତ୍ତା ପଟ୍ଟନାୟକ, ଗୀତାଞ୍ଜଳି ବକ୍ସି, ସୁବାସ ଚନ୍ଦ୍ର ମିଶ୍ର, ଗୌରଚନ୍ଦ୍ର ଚୌଧୁରୀ, ଅରୁଣ କୁମାର ଦାସ, ଚିନ୍ମୟୀ ପଟ୍ଟନାୟକ ପ୍ରମୁଖଙ୍କ ଉପସ୍ଥିତିରେ ଯୋଗ ବିଦ୍ୟାଳୟ ନିର୍ଦ୍ଦେଶକ ସ୍ବାମୀ ସ୍ବରୂପାନନ୍ଦ ସରସ୍ୱତୀ କାର୍ଯ୍ୟକ୍ରମ ସଂଯୋଜନା କରିଥିଲେ।