ତିନି କରୋନା ଆକ୍ରାନ୍ତଙ୍କ ଯାତ୍ରା ଇତିିହାସ ସଂପର୍କରେ ସୂଚନା ଦେଲେ ବିଏମସି କମିସନର, ରାଜ୍ୟ ବାହାରୁ ସଂକ୍ରମଣ ହୋଇଥିବା ଆଶଙ୍କା
ଭୁବନେଶ୍ୱର: ଭୁବନେଶ୍ୱର ମହାନଗର ନିଗମ (ବିଏମସି) କମିସନର ପ୍ରେମ ଚନ୍ଦ୍ର ଚୌଧୁରୀ ତିନି ଜଣ କରୋନା ଆକ୍ରାନ୍ତଙ୍କ ଟ୍ରାଭେଲ୍ ହିଷ୍ଟ୍ରି ବା ଯାତ୍ରା ଇତିହାସ ସଂପର୍କରେ ସୂଚନା ଦେଇଛନ୍ତି । ଏହି ତିନି ଆକ୍ରାନ୍ତଙ୍କ ସଂକ୍ରମଣ ରାଜ୍ୟ ବାହାରୁ ହୋଇଥିବା ଅନୁମାନ କରାଯାଉଛି।
Sambad is now on WhatsApp
Join and get latest news updates delivered to you via WhatsApp
ସାମ୍ବାଦିକ ସମ୍ମିଳନୀରେ ଶ୍ରୀ ଚୌଧୁରୀ ଭୁବନେଶ୍ବର ସୂର୍ଯ୍ୟନଗରରୁ ଚିହ୍ନଟ ରାଜ୍ୟର ପଞ୍ଚମ କରୋନା ଆକ୍ରାନ୍ତଙ୍କ ଯାତ୍ରା ଇତିହାସ ସଂପର୍କରେ ସୂଚନା ଦେଇଛନ୍ତି । ସେ କହିଛନ୍ତି, ପଞ୍ଚମ କରୋନା ଆକ୍ରାନ୍ତଙ୍କ ଝିଅ କୋଲକାତା ଯାଇଥିଲେ । ସେଠାରେ ୪ ରହିବା ପରେ ଘରକୁ ଫେରିଥିଲେ। ଗତକାଲି ତାଙ୍କର ପଜିଟିଭ ରିପୋର୍ଟ ଆସିଥିଲା । ଏଣୁ ବାହାର ରାଜ୍ୟରୁ ତାଙ୍କର ସଂକ୍ରମଣ ଆଶଙ୍କା କରାଯାଉଛି।
Live Press Briefing by @bmcbbsr Commissioner https://t.co/IRtdB3fNVj
— H & FW Dept Odisha (@HFWOdisha) April 4, 2020
ସେହିପରି ରାଜଧାନୀ ଭୁବନେଶ୍ୱରର ବମିଖାଲରୁ ଚିହ୍ନଟ .ହୋଇଥିବା ୩ ଆକ୍ରାନ୍ତଙ୍କ ମଧ୍ୟରୁ ଜଣେ କରୋନା ଆକ୍ରାନ୍ତଙ୍କ ବାପା ମଧ୍ୟପ୍ରଦେଶର ରାଜଧାନୀ ଭୋପାଳ ଯାଇଥିଲେ ବୋଲି ଜଣାପଡ଼ିଛି।
ପୁରୀ ଜିଲ୍ଲାରେ ଚିହ୍ନଟ ହୋଇଥିବା ଆକ୍ରାନ୍ତ ହେଉଛନ୍ତି ଜଣେ ଡାକ କର୍ମଚାରୀ । ସେ ଭୁବନେଶ୍ୱରରେ ଏକ ପୋଷ୍ଟ ଅଫିସରେ କାର୍ଯ୍ୟରତ । ସୂଚନା ଅନୁସାରେ ବିଜେବିନଗର ସବପୋଷ୍ଟ ଅଫିସରେ ଏହି ବ୍ୟକ୍ତି ଜଣକ ପୋଷ୍ଟମ୍ୟାନ ଥିଲେ । ଗୌତମ ନଗର ଓ ବିଜେବି ନଗର ଅଂଚଳରେ ଚିଠି ବାଣ୍ଟୁଥିଲେ । ଏହି ବ୍ୟକ୍ତି ଜଣକ କିଛି ଦିନ ପୂର୍ବରୁ ଦିଲ୍ଲୀ ଯାଇଥିଲେ । ତେଣୁ ଗୌତମ ନଗର ଅଂଚଳରେ ଯେଉଁମାନେ ଡାକ ଚିଠି ପାଇଛନ୍ତି, ସେମାନେ କ୍ୱାରେଣ୍ଟାଇନରେ ରହିଲେ ଭଲ ବୋଲି ପରାମର୍ଶ ଦେଇଛନ୍ତି ବିଏମସି କମିସନର ପ୍ରେମ ଚନ୍ଦ୍ର ଚୌଧୁରୀ।