ପୋଖରୀରୁ ମୃତଦେହ ଉଦ୍ଧାର, ହତ୍ୟା ସନ୍ଦେହ
ରସୁଲପୁର : କୁଆଖିଆ ଥାନା ଅନ୍ତର୍ଗତ ରାହାମ୍ବା ଗ୍ରାମର କୁମ୍ଭାର ଗଡ଼ିଆରୁ ସେହି ଗ୍ରାମର ବିକାଶ ଲେଙ୍କାଙ୍କ ମୃତଦେହ ଉଦ୍ଧାର କରାଯାଇଛି। ତାଙ୍କ ପୁତୁରାକୁ କେହି ମାରି ପାଣିରେ ପକାଇ ଦେଇଛି ବୋଲି ବିକାଶଙ୍କ ଦାଦା କୁଆଖିଆ ଥାନାରେ ଅଭିଯୋଗ କରିଛନ୍ତି। କୁମ୍ଭାର ଗଡ଼ିଆରେ ଗୁରୁବାର ସକାଳେ ଏକ ମୃତଦେହ ଭାସୁଥିବା ଦେଖି ଗ୍ରାମବାସୀ ପୁଲିସକୁ ଖବର ଦେଇଥିଲେ। ଶବ ବାହାର କରିବା ପରେ ତାହା ବିକାଶଙ୍କର ବୋଲି ଜଣାପଡ଼ିଥିଲା।
Sambad is now on WhatsApp
Join and get latest news updates delivered to you via WhatsApp
ମୃତ ବିକାଶଙ୍କର ବାପାମା’ ନାହାନ୍ତି। ତାଙ୍କର ଦୁଇହାତ ମଧ୍ୟ ନାହିଁ। କିଛିବର୍ଷ ତଳେ ଏକ ଗଣ୍ଡଗୋଳ ପାଇଁ ସେହି ଗ୍ରାମର କିଛିଲୋକ ବିକାଶଙ୍କ ଦୁଇହାତକୁ ହାଣି ଛିଡ଼ାଇ ଦେଇଥିଲେ। ମୃତଦେହ ଜବତ କରି ପୁଲିସ ବ୍ୟବଚ୍ଛେଦ ପାଇଁ ପଠାଇଛି। ତାଙ୍କ ଦାଦା ନୀଳମଣିଙ୍କ ଅଭିଯୋଗ ଆଧାରରେ ପୁଲିସ ୧୦୫/୨୩ରେ ମାମଲା ରୁଜୁ କରିଛି। ଥାନା ଅଧିକାରୀ ଶିବଚରଣ ବେହେରା ଏହାର ତଦନ୍ତ କରୁଛନ୍ତି।