ବିନିକା: ଗ୍ୟାସ ଲିକ ହୋଇ ଘରେ ନିଆଁ ଲାଗିବାରୁ ନାବାଳକ ମୃତ। ମୃତ ନାବାଳକଜଣକ ହେଲେ ବାବୁସାନ୍ ଗୁଦୁରିଆ(୧୦) ମୃତ । ଏହି ଘଟଣାଟି ଘଟିଛି ସୁବର୍ଣ୍ଣପୁର ଜିଲ୍ଲା ବିନିକା ଥାନା ଶଙ୍କରା ଗାଁରେ I ମୃତ ବାବୁସାନ୍ ହେଲେ ଶଙ୍କରା ଗାଁର ଟିକେଶ୍ବର ଗୁଦରିଆଙ୍କ ସାନପୁଅ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ଆଜି ଘରେ ଚା’ ପିଇବା ପାଇଁ ଗ୍ୟାସ ଟାଙ୍କି ଅନ କରି ଦିଆସିଲ ଖୋଜିଥିଲା ଟିକେଶ୍ବର। ପରେ ଦିଆସିଲ ମାରିବାରୁ ହଠାତ ଗ୍ୟାସ ଟାଙ୍କିରେ ନିଆଁ ଲାଗିଯାଇଥିଲା I ଫଳରେ ଘର ସମ୍ପୂର୍ଣ୍ଣ ଭାବେ ପୋଡି ପାଉଁଶ ହୋଇଯିବା ସହ ବାବୁସାନ୍ ଶୋଇଥିବା ଅବସ୍ଥାରେ ପୋଡ଼ି ହୋଇଯାଇଥିଲା I ପରିବାର ଲୋକେ ବାବୁସାନକୁ ଚିକିତ୍ସା ପାଇଁ ବିନିକା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ ବି ଘଟଣାସ୍ଥଳରେ ତାର ମୃତ୍ୟୁ ହୋଇଥିବା ଡାକ୍ତର କହିଛନ୍ତି I
ଡାକ୍ତର ବିନିକା ପୁଲିସକୁ ଖବର ନକରି ମୃତ୍ୟୁ ବାବୁସାନକୁ ଘରକୁ ନେଇ ଯିବାକୁ କହିଥିବା ଅଭିଯୋଗ ହୋଇଛି । ଘଟଣା ସ୍ଥଳରେ ବିନିକା ଅଗ୍ନିଶମ ବାହିନୀ ପହଞ୍ଚି ଥିଲେ ବି ଘର ପୋଡି ପାଉଁଶ ହୋଇଯାଇଥିଲା। ଅନ୍ୟପଟରେ ବିନିକା ପୁଲିସ ଖବର ପାଇ ଶଙ୍କରା ଗ୍ରାମରୁ ମୃତ ଦେହ ଜବତ କରିଛି।