ପାଇକସାହି: ମଙ୍ଗଳବାର ରାତିରେ ଆଠମଲ୍ଲିକ ବ୍ଲକ୍ ଅନ୍ତର୍ଗତ ଠାକୁରଗଡ଼ ଥାନା ଅଧୀନ ପାଇକସାହି ଗ୍ରାମର ପ୍ରାଥମିକ କୃଷି ସମବାୟ ସମିତର ତାଲା ଭାଙ୍ଗି ଦୁର୍ବୁତ୍ତମାନେ କାଗଜପତ୍ର ଓ ଟଙ୍କା ଚୋରି କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସମିତିର ରାତ୍ରି ଜଗୁଆଳ ଶୋଇଥିବା କୋଠରିର କବାଟକୁ ବାହାର ପଟୁ ବନ୍ଦ କରି ଦେବାରେ ପରେ ଦୁର୍ବୃତ୍ତମାନେ ତାଲା ଭାଙ୍ଗିଥିଲେ। ଶବ୍ଦଶୁଣି ଜଗୁଆଳ ଉଠିପଡ଼ିଲେ ମଧ୍ୟ କବାଟ ବନ୍ଦ ଯୋଗୁଁ ବାହାରି ପାରି ନ ଥିଲେ କି, ସହାୟତା ପାଇଁ ବିଭିନ୍ନ ସ୍ଥାନକୁ ଫୋନ୍ କରିଥିଲେ ମଧ୍ୟ କେହି ଫୋନ୍ ଗ୍ରହଣ କରି ନ ଥିଲେ।
ଦୁର୍ବୃତ୍ତମାନେ ସମିତି କାର୍ଯ୍ୟାଳୟରୁ ଲ୍ୟାପ୍ଟପ୍, ଜରୁରୀ କାଗଜପତ୍ର ଏବଂ କିଛି ନଗଦ ଟଙ୍କା ନେଇ ପଳାଇଛନ୍ତି।
ଭୋର୍ ପ୍ରାୟ ୪ଟା ବେଳେ କୋଠରିରେ ବନ୍ଦ ଥିବା ଜଗୁଆଳି ପୁଣି ଫୋନ୍ କରି କିଛି ଲୋକଙ୍କୁ ଏ ସମ୍ପର୍କରେ କହିବା ପରେ ସେମାନେ ଆସି କବାଟ ଫିଟାଇ ଥିଲେ।
ଘଟଣା ସଂକ୍ରାନ୍ତରେ ଠାକୁରଗଡ଼ ଥାନାକୁ ଖବର ଦିଆଯାଇଛି।