ଟିକାନେଲେ ବି ସଂକ୍ରମଣ ହେବ, କିନ୍ତୁ ଗୁରୁତର ହେବ ନାହିଁ : ଡ.ଜୟନ୍ତ ପଣ୍ଡା
ଭୁବନେଶ୍ବର : ଟିକା ନେଲେ ବି ସଂକ୍ରମଣ ହେବ । କିନ୍ତୁ ଏହା ସାଧାରଣ ସଂକ୍ରମଣ ହେବ ଓ ସଂକ୍ରମିତ ବ୍ୟକ୍ତିମାନେ ଗୁରୁତର ହେବାର ସମ୍ଭାବନା କମ ବୋଲି କହିଛନ୍ତି ରାଜ୍ୟ ସରକାରଙ୍କ କୋଭିଡ୍ ସଂପର୍କିତ ବୈଷୟିକ ପରାମର୍ଶଦାତା ଡ.ଜୟନ୍ତ ପଣ୍ଡା ।
Sambad is now on WhatsApp
Join and get latest news updates delivered to you via WhatsApp
ଆଜି ୨ୟ ଲହର ନେଇ ରାଜ୍ୟସରକାରଙ୍କ ପକ୍ଷରୁ ଆୟୋଜିତ ଏକ ଟେଲିଭିଜନ କାର୍ଯ୍ୟକ୍ରମରେ ଯୋଗଦେଇ ସେ କହିଛନ୍ତି ଯେ ଗତ ବର୍ଷ ତୁଳନାରେ ୨ୟ ଲହର ଅଧିକ ସଂକ୍ରାମକ ରହିଛି । ପ୍ରଥମ ଲହର ତୁଳନାରେ ୨ୟ ଲହରରେ ସଂକ୍ରମଣ ସଂଖ୍ୟା ଅତ୍ୟଧିକ ରହିଛି । ସବୁ ବର୍ଗର ଲୋକଙ୍କୁ ଏହି ଷ୍ଟ୍ରେନ ସଂକ୍ରମିତ କରୁଛି । ଯୁବବର୍ଗ ଓ ଶିଶୁମାନଙ୍କୁ ମଧ୍ୟ ଏହା ସଂକ୍ରମିତ କରୁଛି । ତେବେ ଆଶ୍ବସ୍ତିର କଥା ହେଉଛି ମୃତ୍ୟୁ ହାର ଏପର୍ଯ୍ୟନ୍ତ ସୁଦ୍ଧା କମ ରହିଛି ।
ସେ କହିଛନ୍ତି ଯେ ଏହି ମ୍ୟୁଟାଣ୍ଟ ଷ୍ଟ୍ରେନ ବାୟୁମଣ୍ଡଳରେ ଅଧିକ ସମୟ ରହୁଛି । ଏଣୁ କାର ଭିତରେ, ଥିଲେ ବା ଘରେ ଥିଲେ ବି ମାସ୍କ ପିନ୍ଧନ୍ତୁ । ଯେଉଁମାନେ କପଡ଼ା ମାସ୍କ ପିନ୍ଧୁଛନ୍ତି ସେମାନେ ଡବଲ ମାସ୍କ ପିନ୍ଧନ୍ତୁ । ସେହିପରି କରୋନା ସଂକ୍ରମିତ ହେବାର ଲକ୍ଷଣ ଦେଖାଦେଲେ ନିଜକୁ ଘରେ ସଂଗରୋଧ କରିବା ଓ ଘର ଲୋକଙ୍କୁ ଯେପରି ସଂକ୍ରମଣ ନ ବ୍ୟାପେ ସେଥିପ୍ରତି ଧ୍ୟାନ ରଖିବା ଉଚିତ ବୋଲି ସେ କହିଛନ୍ତି ।