ଭବାନୀପାଟଣା: କଳାହାଣ୍ଡି ଜିଲ୍ଲା ଥୁଆମୂଳ ରାମପୁର ବ୍ଲକ ଅନ୍ତର୍ଗତ ବମେଲକୁନ୍ଦେଲ ଗାଁର ପିଣ୍ଡାପଦର ପଡାଠାରେ ମାଁ, ବାପା, ଦେହାନ୍ତ ପରେ ପୁଅଝିଅ ବେସାହାରା ହୋଇପଡିଛନ୍ତି । ପାଖରେ ସହାରା ବୋଲି କେହି ନ ଥିବା ବେଳେ ଦୁଃଖ ଭରା ଜୀବନ କାଟୁଛନ୍ତି । ଏହି ଚାରି ଭାଇଭଉଣୀଙ୍କୁ ପ୍ରତିପୋଷଣ କରିବ କିଏ, ଏମାନଙ୍କ ଭବିଷ୍ୟତ କଣ ହେବ, ଏନେଇ ଅନେକ ପ୍ରଶ୍ନ ଭିତରେ ଘାଣ୍ଟି ହେଉଛନ୍ତି ଚାରି ଭାଇଭଉଣୀ । ପ୍ରପ୍ତ ସୂଚନାରୁ ପ୍ରକାଶ ଯେ, କଳାହାଣ୍ଡି ଜିଲ୍ଲା ବଣପାଡ଼ଘେରା ଆଦିବାସୀ ଅଧ୍ୟୁଷିତ ଥୁଆମୂଳ ରାମପୁର ବ୍ଲକ ଅନ୍ତର୍ଗତ ମେଲକୁନ୍ଦେଲ ଗାଁର ପିଣ୍ଡାପଦର ପଡାର ହଲଧର ନାଏକଙ୍କ ପରିବାର ଦିନେ ହସଖୁସୀରେ ଛଅପ୍ରାଣୀ ଚଳି ଆସୁଥିଲେ । କିନ୍ତୁ ବିଧିରବିଧାନ ଏହାକୁ ଅବା କିଏ କଣ କରିପାରେ । ଦଇବ ଦିନେ ଏହି ଛଅ ପ୍ରାଣୀଙ୍କ ହସଖୁସୀକୁ ଉଜାଡି ଦେଲା । ଗତ ୨୦୧୫ ମସିହା ସେପ୍ଟେମ୍ବର ୧ ତାରିଖରେ ପରିବାରକୁ ଛାଡି ଆରପାରିକୁ ଚାଲି ଗଲେ ହଲଧର ନାଏକ । ସ୍ଵାମୀ ଙ୍କ ମୃତ୍ୟୁ ପରେ ସ୍ତ୍ରୀ ବାସନ୍ତୀ ପୁଅ ମନୋଜ, ଝିଅ ଵବିତା, ଅବିତା ଓ ଦେବକୀ ସମେତ ୩ ଝିଅ ଓ ଜଣେ ପୁଅଙ୍କୁ ନେଇ କୁଳିମଜୁରୀ କରି ଗୁଜୁରାଣ ମେଣ୍ଟାଉଥିଲେ ।
Sambad is now on WhatsApp
Join and get latest news updates delivered to you via WhatsApp
ମାଁଙ୍କ ଦେହାନ୍ତ ପରେ ବାପା ଚାଲିଗଲେ ଆରପାରିକୁ, ସରକାରୀ ସହାୟତା ଅପେକ୍ଷା ଭାଇଭଉଣୀ
ଗତ ଜୁଲାଇ ୩୧ ତାରିଖ ଦିନ ବାସନ୍ତି ନାଏକ ସବୁ ଦିନ ପାଇଁ ଆଖି ବୁଜି ଦେଲେ । ମାଁଙ୍କ ଦେହାନ୍ତ ପରେ ଏବେ ତିନି ଭଉଣୀ ଜଣେ ଭାଇ ଅନାଥ ହୋଇ ଦୁଃଖରେ ଭାଙ୍ଗିପଡ଼ିଛନ୍ତି । ଗାଁରେ ଜମି ବାଡ଼ି କହିଲେ କିଛି ନାହିଁ । ଚାଳ ଘରେ ରହି ଚାରି ଭାଇଭଉଣୀ ଦିନ କାଟୁଛନ୍ତି । ବବିତା ଓ ମନୋଜ ନାଏକ, ସିକଲିଂ ରୋଗରେ ଆକ୍ରାନ୍ତ ଥିବା ଯୋଗୁଁ ଜୀବନ ପ୍ରତି ବିପଦର ଆଶଙ୍କା ରହିଛି । ପାଖରେ ଟଙ୍କା ପଇସା ନ ଥିବାରୁ ଚିକିତ୍ସା ମଧ୍ୟ ହୋଇ ପାରୁନାହିଁ । ଗୋଟିଏ ପଟେ ଖାଇବାକୁ ମୁଳିନଥିବା ବେଳେ ଅନ୍ୟପଟେ କିଭଳି ଚିକିତ୍ସା ପାଇଁ ଟଙ୍କା ଆଣିବେ ସେ ନେଇ ଭାଲେଣି ପଡି ଯାଇଛି । ଭଉଣୀ ଅବିତା ନାଏକ ଦଶମଶ୍ରୀଣୀ ପାଠପଢି ପାସକରି ଘରେ ରହିଛନ୍ତି । ସବାସାନ ଭଉଁଣୀ ଦେବକୀ ନାଏକ ସପ୍ତମ ଶ୍ରୀଣୀରେ ପାଠପଡୁଛିନ୍ତି । ବର୍ତ୍ତମାନ ସମ୍ପୂର୍ଣ୍ଣ ଭାବରେ ଏମାନଙ୍କ ଭବିଷ୍ୟତ ଅନ୍ଦାର୍ ଆଢ଼ରେ ଠେଳି ହୋଇ ଯାଇଛି । ବେସାହାର ଜୀବନରେ ରାହାଖୋଜୁଛନ୍ତି ଏହି ଚାରିଜଣ ନିରିହ ଅନାଥ ପୁଅ ଝିଅ । ଗତ କିଛି ଦିନ ତଳେ ବିଶ୍ୱ ମାନବ ଅଧିକାର ସୁରକ୍ଷା ସଂଗଠନ କଳାହାଣ୍ଡି ଶାଖାର ସାଧାରଣ ସମ୍ପାଦକ ତୁଳମଣି ନାଗ ଏହି ଚାରି ଆନାଥଙ୍କ ପାଖକୁ ଯାଇ ସୁବିଧା ଅସୁବିଧା ଉପରେ ଆଲୋଚନା କରିଥିଲେ । ଜିଲ୍ଲା ପ୍ରଶାସନ ତୁରନ୍ତ ଏହି ୪ ଅନାଥଙ୍କ ପାଖକୁ ପହଞ୍ଚି ଏମାନଙ୍କ ରହିବା, ଖାଇବା ଓ ପାଠ ପଢ଼ାର ବ୍ୟବସ୍ଥା କରିବାକୁ ସାଧାରଣ ରେ ଦାବୀ ହୋଇଛି ।