ସମ୍ବଲପୁର: ପ୍ରଥମରେ ଦେଶର ସୁରକ୍ଷା ଏହା ପରେ ପରିବାରର ଖୁସି | କିଛି ଏଭଳି କାହାଣୀ ଏବେ ଦୁଇ ଭାଇ-ଭଉଣୀଙ୍କ କ୍ଷେତ୍ରରେ ଦେଖିବାକୁ ମିଳିଛି | କେତେବେଳେ ଆସିବେ ଭାଇ-ଭଉଣୀ | ସେମାନଙ୍କ ଫେରିବା ବାଟକୁ ଚାହିଁବସିଥିଲେ ସମ୍ବଲପୁରର ଖାଡିଆ ପରିବାର | ଭାଇ-ଭଉଣୀ ଆସିବେ, ନୂଆ ପୋଷାକ ପିନ୍ଧିବେ ଓ ସମସ୍ତଙ୍କ ସହ ମିଶି ନୂଆ ଖାଇବେ | କିନ୍ତୁ ଦେଶର ସୁରକ୍ଷା ପାଇଁ ଭାରତୀୟ ସେନାରେ ମୁତୟନ ହୋଇଥିବା ଭାଇ-ଭଉଣୀ ନୂଆଖାଇରେ ଘରକୁ ଆସିପାରିନାହାନ୍ତି |
Sambad is now on WhatsApp
Join and get latest news updates delivered to you via WhatsApp
ସେମାନଙ୍କ ଅନୁପସ୍ଥିତିରେ କଲେ ଦେଶର ସୁରକ୍ଷା ପାଇଁ ବିପଦ ଆସିଯିବ ଏହି କଥା ଚିନ୍ତା କରି ପରିବାରର ସମସ୍ତେ ନୂଆଖାଇ ପାଳନ କରିଥିବାବେଳେ ଘରକୁ ଆସିପାରିନାହାନ୍ତି ଭାଇ ଓ ଭଉଣୀ | ମିଳିଥିବା ସୂଚନା ମୁତାବକ ପଶ୍ଚିମ ଓଡ଼ିଶାର ଗଣପର୍ବ ନୂଆଖାଇକୁ ନେଇ ସବୁଠି ଉତ୍ସବମୁଖର ପରିବେଶ ସୃଷ୍ଟି ହୋଇଥିଲା |
କିନ୍ତୁ ସମ୍ବଲପୁରର ଶୁଭକାନ୍ତି ଖାଡିଆ ଓ ତାଙ୍କ ଭଉଣୀ ବିଏସଏଫ ବା ସୀମା ସୁରକ୍ଷା ବଳରେ ଭାରତ-ବାଂଲାଦେଶ ସୀମାରେ ମୁତୟନ ଅଛନ୍ତି | ଦେଶର ସୁରକ୍ଷା ପାଇଁ ଏହି ଭାଇ ଭଉଣୀ ଘରକୁ ଛୁଟିରେ ଆସିପାରିନାହାନ୍ତି | ତେବେ ସୀମାରୁ ଦୁଇ ଭାଇଭଉଣୀ ସମସ୍ତଙ୍କୁ ନୂଆଖାଇର ବାର୍ତ୍ତା ଦେବା ସହ ଆସନ୍ତା ବର୍ଷ ପରିବାର ସହ ନୂଆଖାଇ ପାଳନ କରିବେ ବୋଲି କହିଛନ୍ତି |