ପୁରୀ : ହୁଳୁହୁଳିଆ ପୋଲ ନିକଟରେ ପୁଲିସ ୩ ଜଣଙ୍କୁ ଗିରଫ କରି ସେମାନଙ୍କ ନିକଟରୁ ୧୦୭ ଗ୍ରାମ ବ୍ରାଉନ୍‌ସୁଗାର୍‌ ଜବତ କରିଛି। ଜବତ ବ୍ରାଉନ୍‌ସୁଗାର୍‌ର ମୂଲ୍ୟ ପ୍ରାୟ ୧୦ ଲକ୍ଷ ଟଙ୍କା ହେବ ବୋଲି ଆକଳନ କରାଯାଇଛି। ଏହି ୩ ଜଣ ପୁରୀକୁ ବ୍ରାଉନ୍‌ସୁଗାର୍‌ ଯୋଗାଇବାକୁ ଆସିଥିବା ବେଳେ ପୁଲିସ ହାତରେ ଧରାପଡ଼ିଛି। ତାଳବଣିଆ ଥାନା ପୁଲିସ ଅଭିଯୁକ୍ତମାନଙ୍କୁ ଆଜି କୋର୍ଟଚାଲାଣ କରିଛି।

Advertisment

ପୁଲିସ ସୂତ୍ରରୁ ପ୍ରକାଶ ଯେ ଆଖଣ୍ଡଳମଣି ରୋଡ୍‌ ହୁଳୁହୁଳିଆ ପୋଲ ନିକଟରେ ତିନି ଜଣ ବେପାରୀ ବ୍ରାଉନ୍‌ସୁଗାର୍‌ ବିକ୍ରି କରୁଥିବା ନେଇ ତାଳବଣିଆ ପୁଲିସକୁ ଖବର ମିଳିଥିଲା। ଖବର ପାଇ ତାଳବଣିଆ ଥାନା ପୁଲିସ ସେଠାରେ ପହଞ୍ଚି ନବକଳେବର ରୋଡ୍‌ର ରାକେଶ କୁମାର ବାରିକ(୨୧), ନିମାପଡ଼ା ଥାନା ଅନ୍ତର୍ଗତ ଚାରିଛକର ଅଭିଜିତ ଦାସ(୨୨) ଓ ପେଣ୍ଠକଟା ସାମୁଦ୍ରିକ ଥାନା ଅନ୍ତର୍ଗତ ଗୋପାଳପୁର ତ୍ରିନାଥ ନଗରର ଚିନ୍ମୟ ପ୍ରଧାନ(୨୯)କୁ ଧରିଥିଲା। ସେମାନଙ୍‌କଠାରୁ ୧୦୭ ଗ୍ରାମ୍‌ ବ୍ରାଉନ୍‌ସୁଗାର୍‌, ୩୧ଶହ ଟଙ୍କା, ଦୁଇଟି ମୋବାଇଲ ଫୋନ୍‌, ଓଡି-୧୩-ଏମ୍‌-୬୫୮୯ ଓ ଓଡି-୦୪-ଆର୍‌-୧୮୩୪ ନମ୍ବର ବିଶିଷ୍ଟ ଦୁଇଟି ବାଇକ୍‌ ଜବତ କରାଯାଇଛି।