ଧର୍ମଶାଳା : ଯାଜପୁର ଜିଲ୍ଲା ପୁଲିସ୍‌ର ସ୍ବତନ୍ତ୍ର ସ୍କ୍ବାଡ୍‌ ଗୁରୁବାର ଦିନ ଧର୍ମଶାଳା ବଜାରରେ ଚଢ଼ଉ କରି ପ୍ରାୟ ୩ ଶହ ଗ୍ରାମ୍ ବ୍ରାଉନସୁଗାର ଜବତ କରିବା ସହ ସ୍ଥାନୀୟ ଜଣେ ବେପାରୀକୁ କାବୁ କରିଛି। ତାକୁ ଧର୍ମଶାଳା ଥାନରେ ଅଟକ ରଖି ପଚରାଉଚରା କରାଯାଉଛି। ତା’ ସୂଚନା ଆଧାରରେ ପୁଲିସ୍‌ ସ୍କ୍ବାଡ୍‌ ଭଦ୍ରକ ଜିଲ୍ଲା ଧୂଷୁରି, ପୋଖରୀ ଓ ବରପଦା ଅଞ୍ଚଳରେ ଚଢ଼ଉ କରି ଅନ୍ୟ ୩ ସହଯୋଗୀଙ୍କୁ ଉଠାଇ ଆଣିଛି। ସେମାନଙ୍କ ପାଖରୁ ମଧ୍ୟ ଆଉକିଛି ବ୍ରାଉନ୍ ସୁଗାର ଜବତ ହୋଇଛି। ନିର୍ଦ୍ଦିଷ୍ଟ ଭାବେ କେତେ ପରିମାଣର ବ୍ରାଉନ୍ ସୁଗାର ଜବତ ହୋଇଛି ପୁଲିସ୍‌ ସୂଚନା ଦେଉନଥିଲେ ହେଁ ଅଟକ ୪ଜଣ ବେପାରୀଙ୍କ ନିକଟରୁ ପାଖାପାଖି ୩୦୦ ଗ୍ରାମ୍ (୫୫୦ ପ୍ୟାକେଟ୍) ବ୍ରାଉନ୍ ସୁଗାର ଜବତ ହୋଇଥିବା ସୂଚନା ମିଳିଛି।