ପୁରୀ/କୋଣାର୍କ : ଗତକାଲି ରାତିରେ ସଦର ରେଞ୍ଜ ଅବକାରୀ ଥାନା ପକ୍ଷରୁ କୋଣାର୍କ ବସ୍ଷ୍ଟାଣ୍ଡସ୍ଥିତ ବିଜ୍ଞାପିତ ଅଞ୍ଚଳ ପରିଷଦ ସୁଲଭ ଶୌଚାଳୟ ନିକଟରେ ଚଢ଼ଉ କରି ୯୦ ଗ୍ରାମ୍ ଓଜନର ବ୍ରାଉନ୍ସୁଗାର୍ ଜବତ କରିଛି। ଏହି ବ୍ରାଉନ୍ସୁଗାର୍ ବିକ୍ରି କରୁଥିବା ଜଣେ ମହିଳାକୁ ଅବକାରୀ ବିଭାଗ ଗିରଫ କରି ୩୬/୨୨-୨୩ ନମ୍ବର ମାମଲାରେ କୋର୍ଟଚାଲାଣ କରିଛି। ଜବତ ବ୍ରାଉନ୍ସୁଗାର୍ର ଆନୁମାନିକ ମୂଲ୍ୟ ୯ ଲକ୍ଷ ଟଙ୍କା ହେବ ବୋଲି ଜଣାପଡ଼ିଛି। ଗତକାଲି ରାତିରେ ମଞ୍ଜୁଲତା ରାଉତ(୫୦) ନାମକ ଜଣେ ମହିଳା ଶୌଚାଳୟ ନିକଟରେ ବ୍ରାଉନ୍ସୁଗାର୍ ବିକ୍ରି କରୁଥିବା ପୁରୀ ଜିଲ୍ଲା ଅବକାରୀ ଅଧିକ୍ଷକ ଜଗଦୀଶ ଚନ୍ଦ୍ର ସାମଲ ସୂଚନା ପାଇଥିଲେ। ତେଣୁ ଶ୍ରୀ ସାମଲ ସେଠାରେ ଚଢ଼ଉ କରିବା ପାଇଁ ସଦର ରେଞ୍ଜ ଅବକାରୀ ଥାନାଧିକାରୀ ମାନସୀ ସାହୁଙ୍କୁ ନିର୍ଦ୍ଦେଶ ଦେଇଥିଲେ। ଏହି ନିର୍ଦ୍ଦେଶକ୍ରମେ ଶ୍ରୀମତୀ ସାହୁଙ୍କ ନେତୃତ୍ବରେ ଅବକାରୀ ଉପନିରୀକ୍ଷକ ବିନୋଦ କୁମାର ବlସ୍କେ, ପ୍ରବୀଣ ବିରାଜ କୀରୋ, ସଞ୍ଜିପ ହସ୍ତୀ, ଦୀନବନ୍ଧୁ ବାରିକ ଓ ଶେଖ୍ ୱାରିସ୍ ପ୍ରମୁଖ ଚଢ଼ଉ କରି ମଞ୍ଜୁଲତାକୁ ଗିରଫ କରିଥିଲେ। ତା ନିକଟରୁ ୯୦ ଗ୍ରାମ୍ ଓଜନର ବ୍ରାଉନ୍ସୁଗାର୍ ଜବତ କରାଯାଇଥିଲା।
୯ ଲକ୍ଷ ଟଙ୍କାର ବ୍ରାଉନ୍ସୁଗାର୍ ଜବତ, ମହିଳା ଗିରଫ
/sambad/media/post_attachments/wp-content/uploads/2022/07/brown-sugar.jpg)