୨ଲକ୍ଷ ଟଙ୍କାର ବ୍ରାଉନ ସୁଗାର ସହ ବିପୁଳ ପରିମାଣର କଫ ସିରାପ ଜବତ

ଖୋର୍ଦ୍ଧା: ଦୀର୍ଘ ଦିନ ଧରି ଖୋର୍ଦ୍ଧାରେ ବେଆଇନ କଫ ସିରାପ ନିଶାଦ୍ରବ୍ୟ ଭାବେ ବିକ୍ରି ହେଉଥିବା ନେଇ ଅଭିଯୋଗ ହେଉଥିଲା । ଆଜି ଅବକାରୀ ବିଭାଗ ପକ୍ଷରୁ ପଦକ୍ଷେପ ନିଆଯାଇ ବିପୁଳ ପରିମାଣରେ କଫ୍ ସିରାପ ସହ ୨୦ ଗ୍ରାମ ବ୍ରାଉନ ସୁଗାର ଜବତ କରାଯାଇଛି । ଏହି ମାମଲାରେ ଜଣକୁ ଗିରଫ କରାଯାଇଛି ।

ଖୋର୍ଦ୍ଧା ଅବକାରୀ ଇନ୍ସପେକ୍ଟର ଭୈରବ ସାହୁଙ୍କ ସୂଚନାନୁସାରେ, ଗୁଇନ୍ଦା ସୂତ୍ରରୁ ସୂଚନା ପାଇଁ ଆଜି ସକାଳେ ଖୋର୍ଦ୍ଧା ବିଡିଏ କଲୋନୀରେ ଚଢ଼ଉ କରିଥିଲେ । ସେଠାରେ ରହୁଥିବା ଗୁରୁଜଙ୍ଗର ଅମରେଶ ବେହେରାଙ୍କ ଠାରୁ ୨୦ ଗ୍ରାମ ବ୍ରାଉନ ସୁଗାର ଯାହାର ଆନୁମାନିକ ମୂଲ୍ୟ ୨ଲକ୍ଷ ଟଙ୍କା ହେବ ଜବତ କରାଯାଇଥିଲା । ଏହା ସହ ଏକାଧିକ ପେଟିରେ ୭୦୦ଟି କଫ ସିରାପ ବୋତଲ ମଧ୍ୟ ଜବତ କରାଯିବା ସହ ବିକ୍ରିରୁ ପାଇଥିବା ୪୯,୫୭୦ଟଙ୍କା ଓ ଗୋଟିଏ ୟାମାୟା ମୋଟର ସାଇକଲ ଜବତ କରାଯାଇଛି । ଅଭିଯୁକ୍ତ ଅମରେଶର ସ୍ୱାସ୍ଥ୍ୟ ପରୀକ୍ଷା ପରେ କୋର୍ଟରେ ହାଜର କରାଯାଇଛି ।

ସମ୍ବନ୍ଧିତ ଖବର