ବ୍ରାଉନ୍ସୁଗାର ରାକେଟର ପର୍ଦ୍ଦାଫାସ, କିଙ୍ଗପିନ୍ ଗିରଫ
ଖୋର୍ଦ୍ଧା: ଖୋର୍ଦ୍ଧା ବ୍ରାଉନ୍ସୁଗାର କାରବାର ଏକ ପ୍ରମୁଖ କେନ୍ଦ୍ରରେ ପରିଣତ ହୋଇଛି । ଏକଦା କୋଲକାତାର ଦିଘା, ବାଲେଶ୍ୱରରୁ ଭୁବନେଶ୍ୱର ଦେଇ ଖୋର୍ଦ୍ଧା ବ୍ରାଉନ୍ସୁଗାର ଆସୁଥିଲା, ବର୍ତମାନ ଗଂଜାମର ଗୋପାଳପୁରରୁ ବ୍ରାଉନ୍ସୁଗାର ଆସିବା ଆରମ୍ଭ ହୋଇଛି । ବ୍ରାଉନସୁଗାର ଭଳି ମାରାତ୍ମକ ନିଶାର ଏହି ନୂଆ ରାସ୍ତା ଓ ଏକ ନୂଆ ରାକେଟ୍ ଖୋର୍ଦ୍ଧା ପୁଲିସ ହାତରେ ଧରାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ପୁଲିସ ଏନେଇ କୌଣସି ସୂଚନା ଗଣମାଧ୍ୟମକୁ ଦେଇନଥିଲେ ମଧ୍ୟ ବିଶ୍ୱସ୍ତ ସୂତ୍ରରୁ ମିଳିଥିବା ସୂଚନାନୁସାରେ, ଗଂଜାମ ଗୋପାଳପୁର ବନ୍ଦର ନିକଟବର୍ତୀ ଅଂଚଳରେ ରହୁଥିବା ଏକ ଗ୍ୟାଙ୍ଗ୍ର ମୁଖ୍ୟ କାଳୁ ରେଡ୍ଡି ୫ଜଣ ସଦସ୍ୟ ସଦର ଥାନା ପୁଲିସ ହାତରେ ଧରାପଡ଼ିଛନ୍ତି । ଏହି ଗ୍ୟାଙ୍ଗ୍ ଖୋର୍ଦ୍ଧା ଓ ଗଂଜାମ ମଧ୍ୟରେ ବ୍ରାଉନ୍ସୁଗାର କାରବାରରେ ସମ୍ପୃକ୍ତ ଥିବା ସ୍ପଷ୍ଟ ହୋଇଛି । କେବଳ ଏହାନୁହେଁ ସେମାନଙ୍କ ନିକଟରୁ ଉଲ୍ଲେଖନୀୟ ପରିମାଣର ବ୍ରାଉନ୍ସୁଗାର ଜବତ କରାଯାଇଥିବା ଜଣାଯାଇଛି । ଧରାପଡ଼ିଥିବା ଗ୍ୟାଙ୍ଗର ସଦସ୍ୟଙ୍କୁ ପୁଲିସ କୌଣସି ଗୁପ୍ତ ସ୍ଥାନରେ ରଖି ପଚରାଉଚୁରା କରୁଛି । ଏନେଇ ପୁଲିସ ସହ ଯୋଗାଯୋଗ କରିବାରେ ଅଟକ କଥାକୁ ଅସ୍ୱୀକାର କରିଥିଲେ ମଧ୍ୟ ବ୍ରାଉନ୍ସୁଗାର କାରବାର ନେଇ ଏକ ବଡ଼ ଗ୍ୟାଙ୍ଗ ସମ୍ପର୍କରେ ଅନୁସନ୍ଧାନ ଚାଲିଥିବା ଓ ଏହାର ସବିଶେଷ ତଥ୍ୟ ଆସନ୍ତା କାଲି ଦିଆଯିବ ବୋଲି କହିଛନ୍ତି ।