ଖୋର୍ଦ୍ଧା: ଆଜି ବରୁଣେଇ ନିକଟରୁ ପୁଣି ବ୍ରାଉନ୍ସୁଗାର ଜବତ କରାଯାଇଥିବା ବେଳେ ଏହି ମାମଲାରେ ଜଣେ ମହିଳାଙ୍କ ସମେତ ଦୁଇଜଣ ଅଭିଯୁକ୍ତଙ୍କୁ ଗିରଫ କରାଯାଇଛି ।
ସୂଚନାନୁସାରେ, ଆଜି ସକାଳ ପ୍ରାୟ ୧୧ଟା ବେଳେ ବିଶ୍ୱସ୍ତ ସୂତ୍ରରୁ ସୂଚନା ପାଇଁ ଇନସପେକ୍ଟର ଚନ୍ଦ୍ରଶେଖର ଜେନା, ଇନସପେକ୍ଟର ରଶ୍ମୀରଂଜନ ଦାସ ଓ ଅନ୍ୟ ପୁଲିସ କର୍ମଚାରୀଙ୍କୁ ନେଇ ଏକ ଟିମ୍ ଚଢ଼ଉ କରିଥିଲେ । ବରୁଣେଇସ୍ଥ ଜିଟି ଗ୍ଲୋବାଲ୍ ସ୍କୁଲ ନିକଟରେ ପୁଲିସକୁ ଦେଖି ଦୁଇଜଣ ଯୁବକ ଦୁଇଟି ମୋଟର ସାଇକଲରେ ଖସିଯିବାକୁ ଉଦ୍ୟମ କରିଥିଲେ । ତେବେ ପୁଲିସ ସେମାନଙ୍କୁ ଧରିବାରେ ସକ୍ଷମ ହୋଇଥିଲା । ସେମାନଙ୍କୁ ନିକଟରୁ ୭୧ଗ୍ରାମ ବ୍ରାଉନ୍ସୁଗାର ଯାହାର ଆନୁମାନିକ ମୂଲ୍ୟ ୭ଲକ୍ଷ ଟଙ୍କା ହେବ ଜବତ କରାଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
ଏନେଇ ଖୋର୍ଦ୍ଧା ଟାଉନ ଥାନାର ଭାରପ୍ରାପ୍ତ ଅଧିକାରୀ ଡିଏସ୍ପି ସଂଜୟ କୁମାର ପଟ୍ଟନାୟକ କହିଛନ୍ତି ଯେ ଅଭିଯୁକ୍ତଙ୍କ ନିକଟରୁ ବ୍ରାଉନ୍ସୁଗାର ସହ ଦୁଇଟି ମୋଟର ସାଇକଲ (ଓଡି ୩୩ ଜେ ୨୯୯୦ ଓ ସିଜି ୦୪ ଜେଡ୍ଆର୍ ୪୮୮୯) ଓ ନଗଦ ୨୦ହଜାର ଟଙ୍କା ଜବତ କରାଯାଇଛି । ଅଭିଯୁକ୍ତ ଦୁଇଜଣ ବଦ୍ଧଶବର ସାହିର ହୁଲ୍ଲାସ ମହାନ୍ତି (୫୫) ଓ ମମତା ସେନାପତି (୨୪)ଙ୍କୁ ୩୫୪/୨୦୨୨ରେ ମାମଲା ରୁଜୁ କରାଯାଇ କୋର୍ଟ ଚାଲାଣ କରାଯାଇଛି । ମାମଲାର ଅଧିକ ତଦନ୍ତ ପାଇଁ ଏସ୍ଆଇ ଅଂଜଳି ମଲ୍ଲିକଙ୍କୁ ଦାୟିତ୍ୱ ଦିଆଯାଇଛି ।