ଲକ୍ଷେ ଟଙ୍କାର ବ୍ରାଉନ୍ସୁଗାର ଜବତ, ଜଣେ ମହିଳାଙ୍କ ସମେତ ୨ ଗିରଫ
ଖୋର୍ଦ୍ଧା: ଖୋର୍ଦ୍ଧା ଟାଉନ୍ ଥାନା ପୁଲିସ ପକ୍ଷରୁ ଚଢ଼ଉ କରାଯାଇ ଆଜି ୧ ଲକ୍ଷ ଟଙ୍କା ମୂଲ୍ୟର ବ୍ରାଉନ୍ସୁଗାର ଜବତ କରାଯିବା ସହ ଜଣେ ମହିଳାଙ୍କ ସମେତ ଦୁଇଜଣଙ୍କୁ ଗିରଫ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଖୋର୍ଦ୍ଧା ଟାଉନ୍ ଥାନାର ଭାରପ୍ରାପ୍ତ ଅଧିକାରୀ ଡିଏସ୍ପି ସଂଜୟ କୁମାର ପଟ୍ଟନାୟକଙ୍କ ସୂଚନାନୁସାରେ, ଆଜି ସକାଳେ ବିଶ୍ୱସ୍ତସୂତ୍ରରୁ ସୂଚନା ପାଇଁ ଇନ୍ସପେକ୍ଟର ରଶ୍ମୀରଂଜନ ଦାସଙ୍କ ନେତୃତ୍ୱରେ ଏସ୍ଆଇ ସସ୍ମିତା ବେହେରା, ଅନ୍ୟ ପୁଲିସ କର୍ମଚାରୀ ଓ ସ୍ୱତନ୍ତ୍ର ସ୍କ୍ୱାଡ୍ ଟିମ୍ ଠେଙ୍ଗାହାଟ ସ୍ୱପ୍ନେଶ୍ୱର ସାହିରେ ପଂଚୁ ସାହୁଙ୍କ ଘରେ ଚଢ଼ଉ କରିଥିଲେ । ଚଢ଼ଉରେ ୧୦ ଗ୍ରାମ ବ୍ରାଉନ୍ସୁଗାର ଓ ପ୍ୟାକେଟ କରି ବିକ୍ରି କରିବା ନିମନ୍ତେ ଅନ୍ୟ ସାମଗ୍ରୀ ଜବତ ହୋଇଥିଲା ।
ଏହା ସହ ବିକ୍ରିଲବ୍ଧ ୨୫ହଜାର ୪୩୦ଟଙ୍କା ମିଳିଥିଲା । ଏହି ମାମଲାରେ ପଂଚୁ ସାହୁ (୫୮) ଓ ତାଙ୍କ ପତ୍ନୀ ସତ୍ୟଭାମା ସାହୁ (୫୨)ଙ୍କୁ ଗିରଫ କରାଯାଇ ୩୫୭/୨୦୨୨ରେ ମାମଲା ରୁଜୁ କରାଯିବା ସହ କୋର୍ଟ ଚାଲାଣ କରାଯାଇଛି । ମାମଲାର ଅଧିକ ତଦନ୍ତ ପାଇଁ ଏସ୍ଆଇ ସୁନୀତା ବେହେରାଙ୍କୁ ଦାୟିତ୍ୱ ଦିଆଯାଇଛି ।