ପିକନିକ ସାରି ଫେରିବାବେଳେ ବସ-ଟ୍ରକ ମୁହାଁମୁହିଁ ଧକ୍କା

ଢେଙ୍କାନାଳ: ଢେଙ୍କାନାଳ ମହାବିରୋଡ଼ ଥାନା ଭେଜିଆ ମନ୍ଦିର ଛକ ନିକଟରେ ଟୁରିଷ୍ଟ ବସ୍ ଦୁର୍ଘଟଣାଗ୍ରସ୍ତ ହୋଇଛି । ସମ୍ବଲପୁରରୁ ଚଣ୍ଡିଖୋଲ ଯାଉଥିବା ବେଳେ ତାଳଚେର ଆଡ଼ୁ ଖମାର ଆଡ଼କୁ ଯାଉଥିବା ଟ୍ରକ୍ ମଧ୍ୟ ଧକ୍କା ହୋଇଥିଲା । ଏହି ଦୁର୍ଘଟଣାରେ ବସରେ ଥିବା ୩ଜଣ ଆହତ ହୋଇଛନ୍ତି । ଟ୍ରକ୍ ଚାଳକ ଗୁରୁତର ଅଛନ୍ତି । ବସରେ ୫୧ ଜଣ ଯାତ୍ରୀ ଥିବାବେଳେ ସମ୍ବଲପୁରରୁ ଚଣ୍ଡିଖୋଲକୁ ଯାଉଥିଲା |

ମିଳିଥିବା ସୂଚନା ମୁତାବକ ଚଣ୍ଡିଖୋଲ ଅଂଚଳର 'ନିରୁପମା' ନାମକ ବସ ୫୧ ଜଣ ଯାତ୍ରୀଙ୍କୁ ନେଇ ହୀରାକୁଦ ଯାଇଥିଲା | ଆଉ ଏହା ସମ୍ବଲପୁର ହୀରାକୁଦରୁ ପିକନିକ ସାରି ଫେରୁଥିଲା | ଘଟଣାସ୍ଥଳରେ ମହାବିରୋଡ଼ ଥାନା ପୁଲିସ ପହଂଚି ତଦନ୍ତ ଆରମ୍ଭ କରିଛି ।