ଟ୍ରକ ପଛରେ ପିଟିଲା ଅଟୋ, ବ୍ୟବସାୟୀ ମୃତ

ଧର୍ମଶାଳା/ଚଣ୍ଡିଖୋଲ : ଧର୍ମଶାଳା ଥାନା ୧୬ ନମ୍ବର ଜାତୀୟ ରାଜପଥର ଜାରକା ସିନେମା ହଲ୍ ସାମ୍‌ନାରେ ବୁଧବାର ରାତି ଟ୍ରକ ପଛରେ ଡାଲାଅଟୋ (ଓଡି-୦୪ଜେ-୫୫୩୭) ଧକ୍କା ଦେବାରୁ ପରିବା ବ୍ୟବସାୟୀଙ୍କ ମୃତ୍ୟୁ ହୋଇଛି। ସେ ହେଲେ ବାଲିଚନ୍ଦ୍ରପୁର ବଜାରର ପରିବା ବ୍ୟବସାୟୀ ମାହାଙ୍ଗା ଥାନା ବ୍ରାହ୍ମଣମଣିଜୋରୀ ଗ୍ରାମର ଭରତ ଚନ୍ଦ୍ର ସାହୁ(୫୪)। ଅଟୋଚାଳକ ବାଲିଚନ୍ଦ୍ରପୁର ଥାନା ନାନପୁର ପାଟଣା ଗ୍ରାମର ମନୋଜ ନାୟକ (୩୫) ଗୁରୁତର ହୋଇଛନ୍ତି।

ଭରତ ଡାଲାଅଟୋରେ ପରିବା ଆଣିବା ପାଇଁ ବାରବାଟି ଯାଉଥିଲାବେଳେ ଦୁର୍ଘଟଣା ହୋଇଥିଲା। ମନୋଜଙ୍କୁ କଟକ ବଡ଼ଡାକ୍ତରଖାନାକୁ ପଠାଯାଇଛି। ପୁଲିସ୍‌ ଦୁର୍ଘଟଣାଗ୍ରସ୍ତ ଅଟୋ ଓ ମୃତଦେହକୁ ଜବତ କରିବା ସହ ୬୮୩/୨୨ରେ ଏକ ମାମଲା ରୁଜୁ କରି ଶବ ବ୍ୟବଚ୍ଛେଦ କରାଇଛି।