ରାୟଗଡା: ରାମନାଗୁଡା ବ୍ଲକର ପାରିକ୍ଷିତି ପଞ୍ଚାୟତରେ ଉପନିର୍ବାଚନ ପାଇଁ ଆଜି ଭୋଟ୍‌ ଗ୍ରହଣ କରାଯାଇଛି। ଏଠାରେ  ସରପଞ୍ଚ ପଦବି ପାଇଁ ମଇଦାନରେ ୩ ଜଣ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିଛନ୍ତି ୫୦୭୪ ଭୋଟର। ଆଜିର ମତଦାନରେ ୬୬.୦୨ ପ୍ରତିଶତ ଭୋଟ ଗ୍ରହଣ ହୋଇଥିବା ଜଣାପଡିଛି। ଆସନ୍ତା ୪ ତାରିଖରେ ଭୋଟ ଗଣତି ହେବ ବୋଲି କୁହାଯାଇଛି। ଏହି ପଞ୍ଚାୟତରେ ସମୁଦାୟ ୧୭ଟି ବୁଥ ରହିଥିବା ବେଳେ ନିର୍ବାଚନ ଶାନ୍ତିଶୃଙ୍ଖଳାରେ ନିର୍ବାଚନ ସମାପ୍ତ ହୋଇଛି। ଏହି ନିର୍ବାଚନକୁ ଅବାଧ, ସ୍ବଚ୍ଛ, ଶାନ୍ତି ଶୃଙ୍ଖଳାର ସହ ପରିଚାଳନା ପାଇଁ ବ୍ୟାପକ ପୁଲିସ ମୁତୟନ କରାଯାଇଥିଲା। ୧୭ଟି ବୁଥ୍ ପୋଲିଂ ନିମନ୍ତେ ୬୮ ଜଣ କର୍ମଚାରୀଙ୍କୁ ନିୟୋଜିତ କରାଯାଇଥିବା ବେଳେ ଏଥିରେ ପ୍ରିଜାଇଡିଂ ଅଧିକାରୀ, ପୁଲିଂ ଅଧିକାରୀମାନେ ନିର୍ବାଚନ ନିମନ୍ତେ ବାଲାଟ ପେପର, ବାଲାଟ ବାକ୍ସ,କାଳୀ ଇତ୍ୟାଦି ସାମଗ୍ରୀ ସଂଗ୍ରହ ସକାଳରୁ ହିଁ ବୁଥରେ ପହଞ୍ଚିଯାଇଥିଲେ।

Advertisment

ଏହି ସରପଞ୍ଚ ପଦବି ନିମନ୍ତେ ଉପନିର୍ବାଚନ ପାଇଁ ମାଜିଷ୍ଟ୍ରେଟ୍‌ ଦାୟିତ୍ବରେ ତହସିଲଦାର ନିର୍ମଳ ଚନ୍ଦ୍ର ସାହୁ ଥିବା ବେଳେ ଥାନା ଅଧିକାରୀ ସୁନିତା ବେହେରା, ସେକେଣ୍ଡ ଅଫିସର ବାବୁଲା ପ୍ରଧାନ, ଏଏସଆଇ ପୃଥ୍ୱୀରାଜ ଝଙ୍କାର, ଜଗନ୍ନାଥ ବେହେରାଙ୍କ ସହ ସଦଳବଳେ ଉପସ୍ଥିତ ରହି ଶାନ୍ତି ଶୃଙ୍ଖଳା ରକ୍ଷା କରିଥିଲ।ଏହି ସମୟରେ ଗୁଣୁପୁର ଏସଡିପିଓ ବିକାଶ ଚନ୍ଦ୍ର ବେହୁରା ନିର୍ବାଚନ ତଦାରଖ କରିଥିଲେ।ସରପଞ୍ଚ ପଦବୀ ନିମନ୍ତେ ମୋଟ ଭୋଟର ୫୦୭୪ ଜଣଙ୍କ ମଧ୍ୟରୁ ୨୪୦୧ ଜଣ ପୁରୁଷ ଭୋଟର, ୨୬୬୮ ମହିଳା ଭୋଟର ଏବଂ ୦୫ ଜଣ ତୃତୀୟ ଲିଙ୍ଗୀ ଭୋଟର ରହିଛନ୍ତି। ପାରିକ୍ଷିତି ପଞ୍ଚାୟତ ଉପନିର୍ବାଚନରେ ସରପଞ୍ଚ ପ୍ରାର୍ଥୀ ଭାବେ ସୂର୍ଯ୍ୟରାଓ କୁମ୍ବ୍ରିକା, ଗାୟତ୍ରୀ ମାଣ୍ଡାଙ୍ଗି ଏବଂ ନରସିଂହ ମାଣ୍ଡାଙ୍ଗିଙ୍କ ମଧ୍ୟରେ ଲଢେଇ ହେଉଛି।ଏହି ୩ଜଣ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିଛନ୍ତି ଭୋଟର।

publive-image

ସୂଚନା ଥାଉକି ୨୦୨୨ ମସିହା ପଂଚାୟତ ନିର୍ବାଚନରେ ସରପଞ୍ଚ ଭାବେ ରାୟଗଡା ଜିଲ୍ଲା ରାମନାଗୁଡା ବ୍ଲକ୍ ଅନ୍ତର୍ଗତ ପାରିକ୍ଷିତି ପଂଚାୟତର ସରପଞ୍ଚ ପ୍ରାର୍ଥୀ ସୁଶାନ୍ତ ନିମାଲା ସର୍ବମୋଟ ୧୦୧୭ ଖଣ୍ଡ ଭୋଟ ପାଇଥିବା ବେଳେ ନିକଟତମ ପ୍ରତିଦ୍ବନ୍ଦି ସୂର୍ଯ୍ୟରାଓ କୁମ୍ବ୍ରିକା ୮୮୬ ଖଣ୍ଡ ଭୋଟ ପାଇଥିଲେ। ସୁଶାନ୍ତ ତାଙ୍କ ନିକଟତମ ପ୍ରତିଦ୍ବନ୍ଦି ସୂର୍ଯ୍ୟରାଓ କୁମ୍ବ୍ରିକାଙ୍କ ଠାରୁ ଅଧିକ ୧୩୧ ଖଣ୍ଡ ଭୋଟ ପାଇ ପାରୀକ୍ଷିତି ସରପଞ୍ଚ ଭାବରେ ବିଜୟୀ ହୋଇଥିଲେ। ସୁଶାନ୍ତ ନିମାଲା ସରପଞ୍ଚ ପଦବି ଇସ୍ତଫା ଦେଇ ଚୁକ୍ତିଭିତ୍ତିକ ରୋଷେୟା ଭାବେ ଯୋଗଦେବା ପରେ ୬ ମାସ ପାଇଁ ନାଏବ ସରାପଞ୍ଚ ଶକୁନ୍ତଳା ମାଣ୍ଡାଙ୍ଗି ସରାପଞ୍ଚ ପଦବିରେ ରହି ନିଜ ଦାୟିତ୍ବ ତୁଳାଇ ଥିଲେ। ବିଡିଓ ପ୍ରଭାତୀ ଝୋଡିଆ ଉପନିର୍ବାଚନର ସମସ୍ତ କାର୍ଯ୍ୟକୁ ତଦାରଖ କରୁଥିଲେ।