ଜଙ୍ଗଲ ଜମି ବଦଳରେ ଫୁଟପାଥରେ ଗଛ ଲଗାଇ ବନୀକରଣ କରୁଛି ବନବିଭାଗ : ସିଏଜି
ସିମେଣ୍ଟର କାଳ୍ପନିକ ଯୋଗାଣ ବାବଦରେ ଠିକାଦାରଙ୍କୁ ଅଢେଇ କୋଟି ଦେଇଛି ନିର୍ମାଣ ନିଗମ
ଭୁବନେଶ୍ବର : ଆଜି ବିଧାନସଭାରେ ୨୦୧୯-୨୦ ଆର୍ଥିକ ବର୍ଷ ପାଇଁ ଭାରତର ମହାଲେଖା ନିୟନ୍ତ୍ରକ ତଥା ମହାସମୀକ୍ଷକ (ସିଏଜି) ରିପୋର୍ଟ ଉପସ୍ଥାପନ ହୋଇଛି । ରିପୋର୍ଟରେ ରାଜ୍ୟ ସରକାରଙ୍କ କେତେକ ବିଭାଗ ଓ ଉଦ୍ୟୋଗର କେତେକ କାର୍ଯ୍ୟକଳାପ ଉପରେ ପ୍ରଶ୍ନ ଉଠାଯାଇଛି ।
Sambad is now on WhatsApp
Join and get latest news updates delivered to you via WhatsApp
ରିପୋର୍ଟରେ କୁହାଯାଇଛି ଯେ, ଜାତୀୟ ଜଙ୍ଗଲ ନୀତି ଅନୁସାରେ ରାଜ୍ୟର ଜଙ୍ଗଲ ନୀତି ପ୍ରସ୍ତୁତ କରାଯାଇନଥିବାରୁ ଅନୁମୋଦିତ କାର୍ଯ୍ୟକାରୀ ଯୋଜନା କିମ୍ବା ପରିକଳ୍ପନା ବିମାନ ଜଙ୍ଗଲ ବିଭାଜନ ବା ଫରେଷ୍ଟ ଡିଭିଜନଗୁଡ଼ିକ କାର୍ଯ୍ୟକରୁଥିଲା । ରାଜ୍ୟରେ ଚାଲିଥିବା ବନୀକରଣ ପାଇଁ ଅବାସ୍ତବ ଲକ୍ଷ୍ୟ ହାସଲ କରାଯାଇଥିଲା । ଏପରିକି ଖାଲି ଜମିରେ କରାଯାଇଥିବା ବନୀକରଣ ଯୋଜନା ସଂପର୍କରେ ଆବଶ୍ୟକ ତଥ୍ୟ ସରକାର କିମ୍ବା ମୁଖ୍ୟ ବନ ସଂରକ୍ଷକଙ୍କ ନିକଟରେ ରଖାଯାଇନାହିଁ ।
ନିଜ ରିପୋର୍ଟରେ ସିଏଜି ଦର୍ଶାଇଛନ୍ତି ଯେ, ବନ ବିଭାଗ ପକ୍ଷରୁ ଘଞ୍ଚ ଜଙ୍ଗଲ ମଧ୍ୟରେ ଥିବା ଅବକ୍ଷୟ ଜମିରେ ବୃକ୍ଷରୋପଣ କରାନଯାଇ, ଫୁଟପାଥ ପରି ସହଜରେ ପ୍ରବେଶ କରିହେଉଥିବା ସ୍ଥାନେ ବୃକ୍ଷରୋପଣ କରାଯାଇଛି ।
ସେହିପରି ରାଜ୍ୟ ସରକାରଙ୍କ ଅଧିନସ୍ଥ ଉଦ୍ୟୋଗଗୁଡ଼ିକର ତ୍ରୁଟିଯୁକ୍ତ ନିଷ୍ପତ୍ତି ଯୋଗୁଁ ରାଜ୍ୟ କୋଟି କୋଟି ଟଙ୍କାର ରାଜସ୍ବ ହରାଇଛି । ଓଡ଼ିଶା ଖଣି ନିଗମ କମ ହାରରେ ବକ୍ସାଇଟ ଉତ୍ପାଦନ ଖର୍ଚ୍ଚ ଆକଳନ କରିଥିବାରୁ ୬୧ କୋଟି ଟଙ୍କାର କ୍ଷତି ସହିଛି । ସେହିପରି ଓଡ଼ିଶା ନିର୍ମାଣ ନିଗମ ଦ୍ବାରା ସିମେଣ୍ଟର କାଳ୍ପନିକ ଯୋଗାଣ ବାବଦରେ ୨.୪୫ କୋଟି ଟଙ୍କା ପରିଶୋଧ କରି ଠିକାଦାରଙ୍କୁ ଅହେତୁକ ଅନୁକମ୍ପା ପ୍ରଦର୍ଶନ କରାଯାଇଛି ।