ରଣପୁର: ନୟାଗଡ଼ ଜିଲ୍ଲା ରଣପୁର ବିଜ୍ଞାପିତ ଅଞ୍ଚଳ ପରିଷଦସ୍ଥିତ ଉପର ମା’ମଣିନାଗ ପୀଠ ରାସ୍ତାରେ ଆଜି ଏକ ଅଭାବନୀୟ ଘଟଣା ଘଟିଛି। ତେବେ ଉକ୍ତ ପୀଠ ରାସ୍ତାରେ ଏକ ଯାତ୍ରୀବାହୀ କାର ୨୦୦ ଫୁଟ ତଳକୁ ଖସି ପଡିଛି । ଏଥିରେ ୫ ଜଣ ଆହତ ହୋଇଥିବା ବେଳେ ଡ୍ରାଇଭର ଗୁରୁତର ହୋଇପଡିଥିବା ଜଣାପଡିଛି। ତେବେ ସମସ୍ତ ଆହତ ଓ ଗୁରୁତରଙ୍କୁ ପ୍ରାଥମିକ ଚିକିତ୍ସା ପରେ ରଣପୁର ଓ ପରେ ଗୁରୁତର ଡ୍ରାଇଭରଙ୍କୁ ଭୁବନେଶ୍ୱର ସ୍ଥାନାନ୍ତର କରାଯାଇଥିବା ଜଣାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଖବର ନେବାରେ ଜଣାଯାଇଛି ଖୋର୍ଦ୍ଧା ଜିଲ୍ଲା ଅନ୍ତର୍ଗତ ଟାଙ୍ଗୀ ଅଞ୍ଚଳର ବିଶ୍ୱଭୂଷଣ ରଣା(୩୫), ସୁଚିତ୍ରା ମହାପାତ୍ର(୨୯), ସୁଭଦ୍ରା ରାଉତ(୩୦), ସାହି ସିବାନ୍ସୁ ରଣା(୪) ଓ ଅଭିଲିପ୍ସା ରାଉତ(୧୦) ଙ୍କୁ ପିପିଲି କଟକପଡା ଅଚଂଳର ଡ୍ରାଇଭର ସିଲୁ ପରିଡା ଏକ ମାରୁତି ସୁଜୁକି ଡିଜାୟାର କାର (ଓଡି-୦୨-ବି.ଏନ-୬୦୯୫) ଯୋଗେ ରଣପୁର ଉପର ମା’ମଣିନାଗ ପୀଠ ବୁଲିବାକୁ ଯାଇଥିଲେ ।
ତେବେ ମଧ୍ୟାହ୍ନ ସାଢେ ୩ ଟାରେ ମା’ଙ୍କୁ ଦର୍ଶନ କରି ଫେରୁଥିବା ବେଳେ ବାଟରେ ଡ୍ରାଇଭର ଭାରସାମ୍ୟ ହରାଇବାରୁ ୧୫ ନମ୍ବର ମୋଡଣୀରୁ କାରଟି ଖସି ୧୧ ନମ୍ବର ବୁଲାଣି ପାଶ୍ୱର୍ରେ ପଡିଥିଲା। ସମସ୍ତ ଯାତ୍ରୀ ଓ ଡ୍ରାଇଭର ଏକ ନିଶ୍ଚିତ ମରଣ ମୁଖରୁ ବର୍ତ୍ତି ଯାଇଛନ୍ତି । କାରଟି ଏଭଳି ଭାବେ ଦୁର୍ଘଟଣାଗ୍ରସ୍ଥ ହୋଇଛି ଯେ ସେଥିରୁ ବର୍ତ୍ତିବା ନିହାତି ସୌଭାଗ୍ୟର କଥା ବୋଲି ପ୍ରତକ୍ଷଦର୍ଶୀ ମାନେ ଚର୍ଚ୍ଚା କରଛନ୍ତି। ସ୍ଥାନୀୟ ଯୁବ ଗୋଷ୍ଠୀ ଓ ଦମକଳବାହିନୀ ମିଳିତ ଭାବେ ଫିଙ୍ଗି ହୋଇ ପଡିଥିବା ଆହତମାନଙ୍କୁ ଉଦ୍ଧାର କରିଥିଲେ ।