ଟ୍ରକ ପଛରେ ପିଟିଲା କାର, ୩ ଗୁରୁତର

ପାଣିକୋଇଲି: ପାଣିକୋଇଲି ଥାନା ଅନ୍ତର୍ଗତ ୨୦ ନମ୍ବର ଜାତୀୟ ରାଜପଥର ଆଶୀର୍ବାଦ ରାଇସମିଲ ସମ୍ମୁଖରେ ଗୁରୁବାର ବିଳମ୍ବିତ ରାତିରେ ରାସ୍ତାକଡ଼ରେ ଠିଆହୋଇଥିବା ଟ୍ରକରେ ଏକ କାର ଦ୍ରୁତଗତିରେ ପିଟିହେବାରୁ ୩ ଜଣ ଗୁରୁତର ହୋଇଛନ୍ତି।

ଏହି ତିନିଜଣ ବ୍ୟକ୍ତି କାର  (ଓଡି୦୨ ବିଜେ ୫୮୭୦) ଯୋଗେ କେନ୍ଦୁଝରରୁ ବିଳମ୍ବିତ ରାତ୍ରିରେ ଭୁବନେଶ୍ବର ଫେରୁଥିଲେ। କାରରେ ଥିବା ନୀଳାମ୍ବର ନାୟକ (୩୭), ମାନସ ମୁଣ୍ତା(୩୪)ଙ୍କ ସମେତ କାର ଚାଳକ ଉତ୍ତମ କୁମାର ନାୟକ(୩୨) ଆହତ ହୋଇଛନ୍ତି। ସୁରକ୍ଷା ବେଲୁନ ବାହାରି ପଡ଼ିବାରୁ ସମସ୍ତେ ରକ୍ଷା ପାଇଯାଇଥିଲେ। ପାଣିକୋଇଲି ପୁଲିସ ପହଞ୍ଚି ସେମାନଙ୍କୁ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ ଯାଜପୁରରୋଡ ଡାକ୍ତରଖାନାକୁ ପଠାଇଥିଲା।କାର୍‌ର ଆଗ ଚୂରମାର ହୋଇଥିଲା। ଟ୍ରକଟି ଘଟଣାସ୍ଥଳରୁ ଫେରାର ହୋଇଯାଇଛି।