କାର୍ ଧକ୍କାରେ ସାଇକଲ ଚାଳକ ମୃତ
ବ୍ରଜରାଜନଗର: ବେଲପାହାଡ଼ ଫାଟକ ବାଇପାସ୍ ଦେଇ ଝାରସୁଗୁଡା ଦିଗରେ ଯାଉଥିବା ଏକ କାର୍ ଠୁଙ୍ଗିଆଡେରା ନିକଟରର ଏକ ସାଇକେଲକୁ ଧକ୍କା ଦେଇଥିଲା। ଫଳରେ ସ୍କୁଲପଡ଼ାର ପଙ୍କଜିନି ରଣାଙ୍କ ମୃତ୍ୟୁ ଘଟିଛି। ଏଥିରେ ଲୁହୁରାପଡ଼ାର ସିକନ୍ଦର ପାଣ୍ଡେ ଗୁରୁତର ଆହତ ହୋଇଛନ୍ତି।
ମଙ୍ଗଳବାର ରାତି ପ୍ରାୟ ୧୦ଟାରେ ସିକନ୍ଦର ଓ ପଙ୍କଜିନି ଏକ ସାଇକଲରେ ସ୍କୁଲପଡ଼ାକୁ ଯାଉଥିବା ବେଳେ ଏହି ଦୁର୍ଘଟଣା ଘଟିଥିଲା। ସିକନ୍ଦର ଝାରସୁଗୁଡ଼ା ମୁଖ୍ୟ ଡାକ୍ତରଖାନାରେ ଚିକିତ୍ସାଧୀନ ଅଛନ୍ତି। ବେଲପାହାଡ଼ ଥାନା ପୁଲିସ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଛି
