ବିଧାନସଭା ଉପବାଚସ୍ପତିଙ୍କ କାର୍‌ ଦୁର୍ଘଟଣାଗ୍ରସ୍ତ, ଅଳ୍ପକେ ବର୍ତ୍ତିଲେ ରଜନୀକାନ୍ତ ସିଂହ

ବନ୍ତଳା/ଅନ୍ତୁଗୁଳ: ବିଧାନସଭା ଉପବାଚସ୍ପତି ରଜନୀକାନ୍ତ ସିଂହ ସଡ଼କ ଦୁର୍ଘଟଣାର ସମ୍ମୁଖୀନ ହୋଇଛନ୍ତି। ଅନୁଗୁଳରେ ଆଜି ମୁଖ୍ୟମନ୍ତ୍ରୀଙ୍କ କାର୍ଯ୍ୟକ୍ରମରେ ଯୋଗଦେଇ ଫେରିବା ବାଟରେ ତାଙ୍କ କାର୍‌କୁ ଏକ ଦ୍ରୁତଗାମୀ ଟ୍ରକ୍‌ ଧକ୍କା ଦେଇଛି। ୫୫ ନମ୍ବର ଜାତୀୟ ରାଜପଥର ପଞ୍ଚମହଲା ନିକଟରେ ସେ ଅଘଟଣକୁ ସାମ୍ନା କରିଛନ୍ତି।

ପ୍ରାପ୍ତ ସୂଚନା ଅନୁଯାୟୀ ଅନୁଗୁଳ ବିଧାୟକ ତଥା ଉପବାଚସ୍ପତି ରଜନୀକାନ୍ତ ସିଂହ ଆଜି ମୁଖ୍ୟମନ୍ତ୍ରୀଙ୍କ ସଭାରେ ଯୋଗ ଦେଇ ଅନ୍ୟ ଏକ କାମରେ ବଲଙ୍ଗ ଗାଁକୁ ଯାଉଥିଲେ। ତେବେ ତାଙ୍କ ଗାଡି(ଓଡ଼ି-୦୨-ଏଆର-୬୦୦୬)ସାଢେ ୩ଟା ବେଳକୁ ପଞ୍ଚମହଲା ଠାରୁ ବନ୍ତଳା ରାସ୍ତାକୁ ବୁଲିବା ବେଳକୁ ବିପରିତ ଦିଗରୁ ଆସୁଥିବା ଏକ ଟ୍ରକ(ଓଡ଼ି-୩୫-ଡି-୭୭୩୩)ଧକ୍କା ଦେଇଥିଲା। ଟ୍ରକ୍‌ଟି କାର୍‌ର ଡୋରରେ ଘୋଷାରି ହୋଇ ଆଗକୁ ବଢ଼ିଥିଲା। ଫଳରେ ଗାଡିଟି ଆଂଶିକ ଭାବେ ଭାଙ୍ଗି ଯାଇଛି। ଫଳରେ ଗାଡି କ୍ଷତିଗ୍ରସ୍ତ ହୋଇଥିଲା ବେଳେ ଶ୍ରୀ ସିଂହ ଓ ତାଙ୍କ ସୁରକ୍ଷା କର୍ମୀ ସୁରକ୍ଷିତ ଥିବା ଜଣାପଡିଛି। ଘଟଣାସ୍ଥଳରେ ସଦର ଥାନା ପୁଲିସ ପହଞ୍ଚିଛି। ତେବେ ଏହି ଘଟଣା ପରେ ସ୍ଥାନୀୟ ଲୋକଙ୍କର ଭିଡ଼ ଲାଗିଛି। ଯାତାୟତ ପ୍ରଭାବିତ ହୋଇଛି।