ହିଂଜିଳିକାଟୁ ଇଣ୍ଡୋର ଷ୍ଟାଡିୟମ ଭିତ୍ତିଭୂମି ପରଖିଲେ କେନ୍ଦ୍ରୀୟ ଟିମ୍

ହିଂଜିଳିକାଟୁ :  କ୍ରୀଡାକ୍ଷେତ୍ରରେ ଯୁବ ଗୋଷ୍ଠୀଙ୍କ ମଧ୍ୟରେ ଆଗ୍ରହ ସୃଷ୍ଟି କରିବା ପାଇଁ ହିଞ୍ଜିଳିକାଟୁ ସହରରେ ଏକ ଜାତୀୟ ସ୍ତରରେ ୮ କୋଟି ୧୦ ଲକ୍ଷ ୫୦ହଜାର ଟଙ୍କାରେ ତିଆରି ହୋଇଥିବା ଇଣ୍ଡୋର ଷ୍ଟାଡିୟମ ନିର୍ମାଣ ଏବେ ଶେଷ ପର୍ଯ୍ୟାୟରେ । ଆଉ ଏହି ଷ୍ଟାଡିୟମ ନଭେମ୍ବର ୨ ତାରିଖରେ ଭିଡ଼ିଓ କନଫେରନ୍ସି ମାଧ୍ୟମରେ ମୁଖ୍ୟମନ୍ତ୍ରୀ ଖୁବ ଶୀଘ୍ର ଉଦଘାଟନ କରିବେ ବୋଲି ଶୁଣିବାକୁ ମିଳୁଛି।

ଶୁକ୍ରବାର କ୍ରୀଡ଼ାବ୍ୟାପାର ବିଭାଗ ନିର୍ଦ୍ଦେଶକ ଭିନିଲ କ୍ରିଷ୍ଣା ହିଞ୍ଜିଳିକାଟୁ ଗସ୍ତ କରି ଇଣ୍ଡୋର ଷ୍ଟାଡିୟମର ଉନ୍ନୟନ କାର୍ଯ୍ୟର ତଦାରଖ ସହ ଭିତ୍ତିଭୂମି ପରଖି ଫେରିଛନ୍ତି । କେନ୍ଦ୍ରୀୟ ଦଳର ବହୁ ଅଧିକାରୀ ଏହି ଟିମ୍‌ରେ ସାମିଲ ଥିଲେ । ଏହି ଗସ୍ତ ସମୟରେ ଛତ୍ରପୁର ଉପଜିଲ୍ଲାପାଳ ପ୍ରିୟରଞ୍ଜନ ପୃଷ୍ଟି, ହିଂଜିଳି ବିଡ଼ିଓ ପ୍ରସନ୍ନ କୁମାର ପାତ୍ର, ପୌର କାର୍ଯ୍ୟ ନିର୍ବାହୀ ଅଧିକାରୀ ଡ଼ ମନୋରଞ୍ଜନ ସାହୁ, ତହସିଲଦାର ଡ଼.ଜନ୍ମେଜୟ  ସାହୁଙ୍କ ସମେତ ବହୁ ଅଧିକାରୀ ଉପସ୍ଥିତ ଥିଲେ।

ସମ୍ବନ୍ଧିତ ଖବର

Comments are closed.