ଚାକିରି ଦେବାକୁ କହି ଠକୁଥିଲେ ପ୍ରେମୀ ଯୋଡି, ଭଦ୍ରକରୁ ପ୍ରେମିକ ଗିରଫ, ଭୁବନେଶ୍ୱରରୁ ପ୍ରେମିକାକୁ ଧରିଲା ପୁଲିସ
ଭୁବନେଶ୍ୱର: ଚାକିରି କରାଇବା ନାଁରେ ମହାଠକେଇ । ଭୁବନେଶ୍ୱରରେ ଏଭଳି ଘଟଣା ଘଟିଛି । ରାଜଧାନୀରେ ଚାକିରି କରାଇଦେବାକୁ କହି ପ୍ରାୟ ୫୦ ଲକ୍ଷ ଟଙ୍କାରୁ ଅଧିକ ଠକେଇ କରିଥିଲେ ଅନୀଲ ସାହୁ ନାମକ ଏହି ବ୍ୟକ୍ତି | ଆଉ ଭଦ୍ରକରୁ ଠକ ଅନୀଲ ସାହୁଙ୍କୁ କମିସନରେଟ ପୁଲିସ ଗିରଫ କରିଛି | ଫେରାର ହେଉଥିବାବେଳେ ଭଦ୍ରକ ରେଳଷ୍ଟେସନରୁ ଅନୀଲକୁ ଗିରଫ କରାଯାଇଛି | ଫେରାର ବେଳେ ଗତକାଲି ଅନୀଲର ସହଯୋଗୀ ତଥା ପ୍ରେମିକାଙ୍କୁ ବିମାନବନ୍ଦରରୁ ଧରିଥିଲା କମିସନରେଟ ପୁଲିସ |
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ କେନ୍ଦ୍ର ସରକାରଙ୍କ ଦ୍ୱାରା ପରିଚାଳିତ ଆଇସିଏଆର(ଇଣ୍ଡିଆନ କାଉନସିଲ ଅଫ ଏଗ୍ରିକଲଚରାଲ ରିସର୍ଚ)ରେ ଚାକିରି କରାଇଦେବା ନାଁରେ ଅନେକ ଲୋକଙ୍କଠାରୁ ଲୁଟ କରିଥିଲେ ଠକ ଅନୀଲ ସାହୁ । ଟଙ୍କା ନେଇ ଠକ ଫେରାର ହେବାକୁ ବସିଥିବାବେଳେ ଶେଷରେ କମିସନରେଟ ପୁଲିସ ଠକକୁ କାବୁ କରିଛି | ତାର ସହଯୋଗୀ କୁହାଯାଉଥିବା ଗାର୍ଲଫ୍ରେଣ୍ଡ ଖସିଯିବାକୁ ଉଦ୍ୟମ କରୁଥିବାବେଳେ ଗତକାଲି ବିମାନବନ୍ଦରରୁ ଧରାପଡିଥିଲା । ସୋସିଆଲ ମିଡିଆରେ ବିଜ୍ଞାପନ ଦେଇ ବେକାର ଯୁବକଙ୍କୁ ଟାର୍ଗେଟ କରୁଥିଲା ଅନୀଲ ।
ପ୍ରଥମେ ରେଜିଷ୍ଟ୍ରେସନ ଫିସ, ତାପରେ ଅବଶିଷ୍ଟ ଟଙ୍କା କିସ୍ତି ଆକାରରେ ଦେବାକୁ ଚୁକ୍ତିନାମା କରୁଥିଲା ଅନୀଲ । ପଦବୀ ଅନୁସାରେ ଦରମା ବି ଫିକ୍ସ କରିଥିଲା ଠକ । ଭୁବନେଶ୍ୱର ରସୁଲଗଡ ଅଚଂଳରେ ଅନୀଲ ସାହୁ ଅଫିସ ଚଳାଉଥିଲା । ଏହି ଠକାମୀରେ ଅନୀଲଙ୍କୁ ସହଯୋଗ କରୁଥିଲେ ଜଣେ ଯୁବତୀ । ସେ ଓଡିଶା ଛାଡି ଫେରାର ହେଉଥିବାବେଳେ ଭୁବନେଶ୍ୱର ବିମାନବନ୍ଦରରୁ ତାଙ୍କୁ ପୁଲିସ ଧରି ପଚରାଉଚରା କରୁଛି । ପୁଲିସ ଘଟଣାର ତଦନ୍ତ ଆରମ୍ଭ କରିଛି ।