ମୁଖ୍ୟ ନିର୍ବାଚନ ଅଧିକାରୀଙ୍କ କେନ୍ଦୁଝର ଗସ୍ତ

କେନ୍ଦୁଝର: ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୁଶୀଲ ଲୋହାନୀ ଆଜି କେନ୍ଦୁଝର ଗସ୍ତରେ ଆସିଥିଲେ। ଆସନ୍ତା ୨୭ ତାରିଖରେ ‌ଭାରତର ମୁଖ୍ୟ ନିର୍ବାଚନ କମିସନରଙ୍କ କେନ୍ଦୁଝର ଗସ୍ତ ପରିପ୍ରେକ୍ଷୀରେ ଶ୍ରୀ ଲୋହାନୀ କେନ୍ଦୁଝର ଆସିଥିବା କୁହାଯାଉଛି। ଆଜି ସେ ଗୋନାସିକା ଯାଇ ଜୁଆଙ୍ଗମାନଙ୍କ ସହିତ ଆଲୋଚନା କରିଥିଲେ।

ଗୋନାସିକା ମହୋତ୍ସବ ବୁଲି ଦେଖିଥିଲେ। ଆସନ୍ତା ୨୭ ତାରିଖରେ ମୁଖ୍ୟ ନିର୍ବାଚନ କମିସନର କେନ୍ଦୁଝର ଗସ୍ତରେ ଆସି ଜୁଆଙ୍ଗମାନଙ୍କ ସହିତ ଆଲୋଚନା କରିବାର କାର୍ଯ୍ୟକ୍ରମ ରହିଛି ବୋଲି ଅନଔପଚାରିକ ଆଲୋଚନା ବେଳେ ଶ୍ରୀ ଲୋହାନୀ କହିଛନ୍ତି।