ଭୁବନେଶ୍ୱର: ଅଗ୍ନି ସୁରକ୍ଷା ପ୍ରମାଣପତ୍ର ବା ଫାୟାର ସେଫଟି ସାର୍ଟିଫିକେଟ ଦେବାରେ ଅହେତୁକ ବିଳମ୍ବ ନେଇ କାର୍ଯ୍ୟାନୁଷ୍ଠାନ ଜାରି ରଖିଛନ୍ତି ରାଜ୍ୟ ସରକାର | ଗତକାଲି ଅଗ୍ନିଶମ ନିର୍ଦ୍ଦେଶାଳୟ ଡିଜି ଦାୟିତ୍ବ ସହ ପୁଲିସ ଡିଜି ଥିବା ବିଜୟ ଶର୍ମାଙ୍କୁ ପଦରୁ ହଟାଇବା ପରେ ଆଜି ଅଗ୍ନିଶମ ନିର୍ଦ୍ଦେଶାଳୟରେ ମୁଖ୍ୟ ଅଗ୍ନିଶମ ଅଧିକାରୀ ଥିବା ମହେଶ୍ୱର ସ୍ୱାଇଁଙ୍କ ଠାରୁ ଦାୟିତ୍ୱ କାଢି ଦେଇଛନ୍ତି ରାଜ୍ୟ ସରକାର | ଏହା ତାଙ୍କର ଅତିରିକ୍ତ ଦାୟିତ୍ୱ ଥିଲା | ଏହାପରେ ମହେଶ୍ଵର ସ୍ୱାଇଁ ଓଏଫଡିଆରଏର ନିର୍ଦ୍ଦେଶକ ଦାୟିତ୍ୱ ତୁଲାଇବେ |
Sambad is now on WhatsApp
Join and get latest news updates delivered to you via WhatsApp
ସେହିପରି ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ଅଗ୍ନିଶମ ନିର୍ଦ୍ଦେଶାଳୟରେ ମୁଖ୍ୟ ଅଗ୍ନିଶମ ଅଧିକାରୀ ଥିବା ସୁକାନ୍ତ ସେଠୀ ନିର୍ଦ୍ଦେଶାଳୟର ଅଗ୍ନି ନିରୋଧକ ଶାଖାର ଦାୟିତ୍ୱ ତୁଲାଇବେ | ଅଗ୍ନିଶମ ନିର୍ଦ୍ଦେଶାଳୟର ଅଗ୍ନି ନିରୋଧକ ଶାଖାର ଉପମୁଖ୍ୟ ଅଗ୍ନିଶମ ଅଧିକାରୀ ଥିବା ଅରୁଣ କୁମାର ଷଡ଼ଙ୍ଗୀଙ୍କୁ କଟକରୁ ଭବାନୀପାଟଣା ବଦଳି କରାଯାଇଛି | ଭବାନୀପାଟଣାରେ ଉପମୁଖ୍ୟ ଅଗ୍ନିଶମ ଅଧିକାରୀ ଥିବା ସଲିଲ ପ୍ରକାଶ କିଣ୍ଡୋଙ୍କୁ କଟକ ଅଣାଯାଇ ତାଙ୍କୁ ଅଗ୍ନି ନିରୋଧକ ଶାଖାରେ ଅବସ୍ଥାପିତ କରାଯାଇଛି |