ଭୁବନେଶ୍ବର: ଭୟଙ୍କର ବାତ୍ୟା ‘ଫନି’କୁ ଚଟାଣ ଭଳି ସାମ୍ନା କରି ଲକ୍ଷାଧିକ ଲୋକଙ୍କୁ ସୁରକ୍ଷା ଦେଇଥିବା ଓଡ଼ିଶା ପୁଲିସଙ୍କୁ ପ୍ରଶଂସା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଯେତେବେଳେ ଗତ ମେ’ ୩ ତାରିଖରେ ‘ଫନି’ ଫଣାରେ ଥିଲା ଓଡ଼ିଶା, ତାହାର ସଫଳ ମୁକାବିଲା ପାଇଁ ପ୍ରସ୍ତୁତ ଥିଲେ ଓଡ଼ିଶା ପୁଲସ୍ । ଦିନ ରାତି ଏକ କରି ଭୟଙ୍କର ପ୍ରାକୃତିକ ବିପର୍ଯ୍ୟୟର ମୁକାବିଲା ପାଇଁ ଯେଉଁ ବ୍ଲୁ-ପ୍ରିଣ୍ଟ ପ୍ରସ୍ତୁତ କରିଥିଲେ ଏବଂ ତାହାକୁ କିଭଳି ସଫଳତାର ସହ ଓଡ଼ିଶା ପୁଲିସ୍କା ର୍ଯ୍ୟକାରୀ କରିଥିଲେ ତାହାକୁ ନେଇ ପ୍ରସ୍ତୁତ ପ୍ରାମାଣିକ ଚିତ୍ରକୁ ଉନ୍ମୋଚନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
Sambad is now on WhatsApp
Join and get latest news updates delivered to you via WhatsApp
ପ୍ରକୃତିର ସେହି କରାଳ ମୂହୂର୍ତ୍ତକୁ ଦୀର୍ଘ ଦୁଇମାସ ବିତିଯାଇଛି, ଆଉ ସେହି ଭୟଙ୍କର ବାତ୍ୟା ଏବଂ ତାହାର ପରବର୍ତ୍ତୀ ସହାୟତାରେ କିଭଳି ରହିଥିଲା ରାଜ୍ୟ ପୁଲିସର କାର୍ଯ୍ୟ, ସେନେଇ ସଚିବାଳୟରେ ପ୍ରାମାଣିକ ଚିତ୍ରର ଉନ୍ମୋଚନ କରିଛନ୍ତି ମୁଖ୍ୟମନ୍ତ୍ରୀ । ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି, ବାତ୍ୟା ଫନି ସମୟରେ ରାଜ୍ୟ ପୁଲିର କାର୍ଯ୍ୟ ଉଚ୍ଚ ପ୍ରଶଂସାଯୋଗ୍ୟ । ଏହି ପ୍ରାମାଣିକ ଚିତ୍ର ଭବିଷ୍ୟତରେ ବିଭିନ୍ନ ପ୍ରାକୃତିକ ବିପର୍ଯ୍ୟୟ ସମୟରେ ପୁଲିସକୁ ମାର୍ଗଦର୍ଶନ କରିବାରେ ସହାୟକ ହୋଇପାରିବ।