ଓଡ଼ିଶାକୁ ଲମ୍ବିଛି ଅଶ୍ଳୀଳ ଭିଡିଓ ଚେର: ଘଟଣାକୁ ନେଇ ଏଭଳି କହିଲେ ମହିଳା ଓ ଶିଶୁ ବିକାଶ ବିଭାଗ ମନ୍ତ୍ରୀ
ଭୁବନେଶ୍ୱର: ଓଡିଶାକୁ ବି ଲମ୍ବିଛି ଅନଲାଇନରେ ଶିଶୁଙ୍କୁ ଯୌନ ଶୋଷଣର ଚେର । ଢେଙ୍କନାଳ, ଭଦ୍ରକ, ଯାଜପୁରରୁ ଅନ୍ୟସ୍ଥାନକୁ ଘୁରିବୁଲୁଥିଲା ଅପ୍ରାପ୍ତବୟସ୍କ ପିଲାଙ୍କ ଅଶ୍ଳୀଳ ଭିଡିଓ । ଗତକାଲି ଏହି ସ୍ଥାନରେ ଚଢାଉ କରି ଘଟଣାରେ ସଂପୃକ୍ତ ଥିବା ୩ ଜଣଙ୍କୁ ପଚରାଉଚରା କରିଛି ସିବିଆଇ ଟିମ । ଏମାନେ ହେଲେ ଢେଙ୍କନାଳର ସୁରେନ୍ଦ୍ର ନାୟକ, ଯାଜପୁର ଜିଲ୍ଲା କୋରେଇ ବ୍ଲକର ଅନୀଲ ମାଝି ଓ ଭଦ୍ରକ ବନ୍ତ ବ୍ଲକର ଅଟୋ ଚାଳକ ମନୋଜ ଦାସ । ସୁରେନ୍ଦ୍ର ନାୟକ ୨ ମାସ ପୂର୍ବରୁ ଏହି ଗ୍ରୁପରେ ସାମିଲ ହୋଇଥିଲେ । ଅପ୍ରାପ୍ତବୟସ୍କ ପିଲାଙ୍କ ଅଶ୍ଲୀଳ ଭିଡିଓ ପଠାଇବା ଲାଗି ତାଙ୍କୁ ସପ୍ତାକୁ ମିଳୁଥିଲା ୨୧ ଡଲାର । ସୁରେନ୍ଦ୍ରଙ୍କୁ ପୁଲିସ ଗିରଫ କରିଛି । ସେହଭଳି ଅନୀଲ ମାଝିଙ୍କୁ ବି ପଚରାଉଚରା ହୋଇଛି ତା ମୋବାଇଲ ଫୋନକୁ ଜବତ କରିଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ସିବିଆଇ ଅନୀଲଙ୍କ ବ୍ୟାଙ୍କ ଆକାଂଉଟକୁ ଜବତ କରିବା ସହ ଏଥିରେ ବିଦେଶୀ ଲିଙ୍କ ଥିବା କଥା ଜାଣିବାକୁ ପାଇଛି ପୁଲିସ ।ସ୍ଥାନୀୟ ପାଣିକୋଇଲି ଥାନାରେ ଏତଲା ବି ଦାୟର ହୋଇଛି । ସେହିଭଳି ମନୋଜ ଦାସ ବ୍ୟବହାର କରୁଥିବା ବିଭିନ୍ନ ଇଲେକ୍ଟ୍ରୋନିକ୍ସ ସାମଗ୍ରୀ ଓ ମୋବାଇଲକୁ ଜବତ କରି ଯାଂଚ କରିଛି ସିବିଆଇ । ପୂର୍ବରୁ ମନୋଜ ବେଙ୍ଗାଲୁରୁରେ ରହୁଥିଲା । କୋଭିଡ ସମୟରେ ଘରକୁ ଆସି ଅଟୋ ଚଳାଉଥିଲ । ତେବେ ଏଥିରେ ମନୋଜଙ୍କ ସହ ଆଉ କାହାର ସଂପୃକ୍ତି ଅଛି, ସେ ନେଇ ଖୋଳତାଡ କରିଛି ପୁଲିସ ।ସେପଟେ ସିବିଆଇ ଟିମ ଉପରେ ଆକ୍ରମଣ ପରେ ଢେଙ୍କାନାଳରେ ଜୁବୁଲି ଟାଉନ କଲୋନୀ ସାହି ବାସିନ୍ଦା ଭୟରେ ଘର ଛାଡି ଲୁଚିଛନ୍ତି । ଏ ନେଇ ପୁଲିସ କହିଛି, ସିବିଆଇ ପକ୍ଷରୁ ଏନେଇ କୌଣସି ମାମଲା ରୁଜୁ ହୋଇନାହିଁ ।
ସୁରେନ୍ଦ୍ର ୨ ମାସ ହେବ ଏକ ୱେବସାଇଟରୁ ଅଶ୍ଳୀଳ ଭିଡିଓ ଡାଉନଲୋଡ କରି ବିଭିନ୍ନ ସୋସିଆଲ ମିଡିଆରେ ଭାଇରାଲ କରିଥିଲେ । ଏଥିପାଇଁ ୨୨ ଆମେରିକୀୟ ଡଲାର ସୁରେନ୍ଦ୍ରଙ୍କ ଢେଙ୍କନାଳ ଇଣ୍ଡିଆନ ବ୍ୟାଙ୍କକୁ ଆସିଛି । ଶିଶୁ ପର୍ଣ୍ଣଗ୍ରାଫି ନେଇ ମହିଳା ଓ ଶିଶୁ ବିକାଶ ବିଭାଗ ମନ୍ତ୍ରୀ ଟୁକୁନୀ ସାହୁ କହିଛନ୍ତି ସିବିଆଇ ରିପୋର୍ଟ ଆମ ପାଖକୁ କିଛି ଆସିନାହିଁ | ବିଭାଗ ତରଫରୁ ଆମେ ସିବିଆଇ ସହିତ ଆଲୋଚନା କରିବୁ | ତଦନ୍ତ ଚାଲିଛି, ତଦନ୍ତ ରିପୋର୍ଟ ଦେବା ପରେ ଆମେ କହି ପାରିବୁ | ଏହା ଏକ ଘୃଣ୍ୟ କାମ | ଏଭଳି କାମ କେବେବି ଆଶା କରା ଯାଇ ନ ପାରେ | ସିବିଆଇର ତଦନ୍ତ ପ୍ରକ୍ରିୟା ଚାଲିଛି | ଆମ ବିଭାଗ ଶିଶୁଙ୍କ ଭବିଷ୍ୟତ ପାଇଁ ଆମେ କାର୍ଯ୍ୟରତ, ଆମର ଅନେକ ଯୋଜନା ମଧ୍ୟ ଚାଲିଛି | ଆଶା କରୁଛି ଆଇନ ଦୋଷୀଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନେବ |