ଭୁବନେଶ୍ୱର: ରାତି ପାହିଲେ ବଡ଼ଦିନ। ଭଗବାନ ଯୀଶୁ ଧରାବତରଣ କରିବେ ଶାନ୍ତି, ଐକ୍ୟ ଓ ପ୍ରେମର ବାର୍ତ୍ତା ନେଇ। ସାନ୍ତାକ୍ଲଜ୍ ଆସିବ ଚକୋଲେଟ୍ ଓ ଉପହାର ନେଇ। ଏଥିପାଇଁ କେବେଠାରୁ ରାଜଧାନୀ ତା’ର ସଜବାଜ ସାରିଦେଲାଣି। ଉତ୍ସାହ ବି ବଢ଼ିବାରେ ଲାଗିଛି। ଏ ନେଇ ବଡ଼ ବଡ଼ ସପିଂ ମଲ୍ଠାରୁ ଜୁଏଲାରି ଦୋକାନ ପର୍ଯ୍ୟନ୍ତ ଆଲୋକମାଳାରେ ସଜେଇ ହେବା ସହ ଲାଲ୍ କୁର୍ତ୍ତା, ପ୍ୟାଣ୍ଟ୍ ଓ ଟୋପି ପିନ୍ଧା ବୁଢ଼ା ସାନ୍ତାକ୍ଲଜ୍ ବି ଦୋକାନ ସମ୍ମୁଖରେ ଠିଆ ହୋଇ ଗ୍ରାହକଙ୍କୁ ପାଛୋଟୁଛି। କିଛି ଶିକ୍ଷାନୁଷ୍ଠାନ ଓ ପ୍ଲେ-ସ୍କୁଲରେ ଉତ୍ସବ ପାଳନ ଜୋର୍ ଚାଲିଛି। ବିଦ୍ୟାଳୟକୁ ସାନ୍ତାକ୍ଲଜ୍ ଆସି ପିଲାମାନଙ୍କ ସହ ନାଚ ଗୀତ କରିବା ସହ ଉପହାର ମଧ୍ୟ ବାଣ୍ଟୁଛି।
Sambad is now on WhatsApp
Join and get latest news updates delivered to you via WhatsApp
ସତ୍ୟନଗରସ୍ଥିତ ‘ଭିନ୍ସେଣ୍ଟ କ୍ୟାଥଲିକ୍ ଚର୍ଚ୍ଚ’ ଓ ସହରରେ ଥିବା ଅନ ଚର୍ଚ୍ଚରେ ମଧ୍ୟ ଉତ୍ସବର ମାହୋଲ ରହିଛି । ଖ୍ରୀଷ୍ଟ ଧର୍ମାବଲମ୍ବୀମାନଙ୍କ ପାଇଁ ଏହା ବଡ଼ ପର୍ବ ହୋଇଥିଲେ ମଧ୍ୟ ରାଜଧାନୀର ସବୁ ବର୍ଗର ଲୋକ ଯୀଶୁଙ୍କ ସ୍ୱାଗତ ପାଇଁ ପ୍ରସ୍ତୁତ ହେଉଛନ୍ତି।